काठमाडाैं– सामाजिक सञ्जाल फेसबुकका मालिक मार्क जुकरवर्ग विश्वका धनीको सूचीमा ५ औं नम्बरमा परेका छन्।
विश्वका धनाढ्यका बारेमा अध्ययन गर्ने हुरुन ग्लोबल रिच लिस्टले मंगलबार सार्वजनिक गरेको सूचीमा उनी पाँचै नम्बरमा परेका हुन्।
जुकरवर्गको सम्पत्ति १०१ अर्ब डलर रहेको जनाइएकाे छ। यता माइक्रोसफ्टका मालिक बिल गेट्स ११० अर्ब डलर सम्पत्तिका साथ चौथो नम्बरमा रहेका छन्।
यस्तै भारतको रिलायन्स कम्पनीका मालिक मुकेश अम्बानी ८ औं नम्बरमा रहेका छन्। उनी एसियामा भने दोस्रो नम्बरमा रहेकाे जनाइएकाे छ।
एसियामा सबैभन्दा बढी सम्पत्ति चीनका चोङ शानशानसँग रहेकोछ। उनको सम्पत्ति ८५ अर्ब डलर रहेको छ।
चीनमा २५० नयाँ अर्बपति थपिए
शेयर बजारमा उछाल आएसँगै चीनमा गत वर्ष सन् २०२० मा २०० भन्दा बढी नयाँ अर्बपति थपिएका छन्।
हुरुनका अनुसार सन् २०२० मा २५९ जना अर्ब डलरको सूचीमा प्रवेश गरेका छन्। चीनमा योसहित कूल अर्बपतिको संख्या १ हजार ५८ पुगेको छ। विश्वमै अर्बपतिको एक हजारको संख्या पार गर्ने चीन पहिलो मुलुक पनि भएको छ।
तुलनात्मक रुपमा, दोस्रो राम्रो प्रगति गर्ने मुलुक अमेरिकामा ७० जना नयाँ अर्बपतिको उदय भएको छ। यो सहित अमेरिकामा कूल अर्बपतिको संख्या ६९६ पुगेको छ।
चीनमा पानीको व्यापार गर्ने नोङ्फुका संस्थापक झोङ शानशानको सम्पत्ति ८५ अर्ब डलर पुगेको छ। सर्भेका अनुसार टेस्लाका एलन मस्क, अमेजनका जेफ बेजोस र पिन्डुओडुका कोलिन हुआङको सम्पत्ति ५० अर्ब डलरले बढेको छ।
रुनका अनुसार विगत पाँच वर्षको अवधिमा चीनले ४९० जना नयाँ अर्बपति जन्माएको छ भने अमेरिकाले १६० जना थपेको छ।
सबैभन्दा बढी अर्बपति पनि अहिले चिनियाँ शहरमा रहेको सर्भेले देखाएको छ। अर्बपति रहेबसेका विश्वका उत्कृष्ट १० शहरमध्ये छ वटा शहर चीनमै छन्। विगत छ वर्षदेखि लगातार बेइजिङ पहिलो स्थानमा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
