काठमाडौं- पाटन कलेज फर प्रोफेसनल स्टडिज (पिसिपिएस कलेज)ले आफ्नो तेश्रो दिक्षान्त समारोह सोमबार गरेको छ। यो कलेज बेलायतस्थित् बेडफर्डशाइर विश्वविद्यालयसँग आवद्ध छ।
शिक्षा, विज्ञान तथा प्रविधि मन्त्री कृष्णगोपाल श्रेष्ठको प्रमुख आतिथ्यमा आयोजित उक्त समारोहमा कम्प्युटर विज्ञान एवं सफ्टवेयर इन्जिनियरिङ र बिबिए विषयसँग सम्बन्धित ६४ जना विद्यार्थीहरुले स्नातक तह उत्तीर्ण गरेको प्रमाणपत्र प्राप्त गरेका थिए।
मन्त्री श्रेष्ठले प्रमाणपत्र प्राप्त गर्ने विद्यार्थीहरुलाई राष्ट्रको समग्र विकासमा सूचना प्रविधिको उच्चतम प्रयोग गर्नु पर्ने बताए। साथै, शिक्षा ऐनको संसोधन गरि आधुनिक शिक्षा प्रणालिको विकास गर्नका लागि एउटा छुट्टै विशेष कार्यदल बनाएर काम थालिने बताए।
यसैगरी, समारोहमा एलबिइएफ ग्रुपका अध्यक्ष पंकज जालानले २०१७ मा स्थापित पिसिपिसीले मुलुककै अग्रपंक्तिको शैक्षिक संस्थाको रुपमा उभ्याउन सफल भएको दाबी गरे।
‘नेपाली विद्यार्थीहरु नेपालमै अन्तर्राष्ट्रियस्तरको शिक्षा प्रभावकारी रुपमा प्रदान गर्ने हाम्रो सपनालाई साकार पार्न यस कलेजले ठूलो भूमिका खेलिरहेको छ,’ उनले भने।
काठमान्डू विश्वविद्यालयका उपकुलपति प्राडा भोला थापाले स्नातक तह उत्तीर्ण गर्ने विद्यार्थीहरुको शैक्षिक उपलब्धिप्रति गौरवान्वित भएको बताए। एनबिसिसिआइका अध्यक्ष राजेन्द्र खेतानले विद्यार्थीहरुले भोलि कार्पोरेट क्षेत्रको चुनौतीहरुलाई उच्च व्यावसायिक क्षमताका साथ सामना गर्न सक्ने विश्वास व्यक्त गरे। यससँगै दिक्षीत विद्यार्थीहरुलाई नेपाली श्रम बजारमा स्वागत समेत गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
