काठमाडौं- ब्वाइज युनियन क्लबले सहिद स्मारक बी डिभिजन लिग फुटबलमा जित निकालेको छ। आइतबार भएको खेलमा ब्वाइज युनियनले नयाँ बस्ती युवा क्लबलाई ३-० गोलले पराजित गरेको हो।
ललितपुरको सातदोबाटोस्थित् एन्फा कम्प्लेक्सको मैदानमा भएको खेलमा ब्वाइज युनियनले नयाँ बस्तीविरुद्ध सहज जित निकालेको हो। ब्वाइज युनियनका लागि मिलन लिम्बुले ह्याट्रिक गोल गरे। पहिलो हाफमा दुई गोल गरेको ब्वाइज युनियनले दोस्रो हाफमा थप एक गोल गर्दै जित निकाल्यो।
खेलको २१औं मिनेटमा मिलन लिम्बुले गोल गर्दै टिमलाई १–० को अग्रता दिलाए। पहिलो हाफको अन्तिम समयमा मिलनले दोस्रो गोल गर्दै ब्वाइज युनियनलाई २–० को अग्रता दिलाए। खेलको ५७औं मिनेटमा मिलनले नै गोल गर्दै ह्याट्रिक पूरा गरेका थिए।
ब्वाइज युनियनको यो चौंथो जित हो। लिगको चौंथो स्थानमा रहेको ब्वाइज युनियनले आठ खेलबाट चार खेलमा जित, दुई खेलमा हार र दुई खेलमा बराबरी खेल्दै १४ अंक बनाएको छ। पराजित नयाँ बस्तीले लिगमा आठ खेलमध्ये चार खेलमा जित र चार खेलमा हार व्यहोरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1786157138.png)
-1786184812.png)
