काठमाडाैं– भारतीय अर्बपति व्यापारी मुकेश अम्बानीको घरबाहिर राखिएको विस्फोटक पदार्थले भरिएको कारको जिम्मा ‘जैस–उल हिन्द’ नाम गरेकाे एक संगठनले लिएको छ।
भारतीय सञ्जारमाध्यमहरुका अनुसार टेलिफोनमार्फत उक्त संगठनले जिम्मा लिएको हो।
यो त्यही संगठन हो, जसले केही दिन अघि दिल्लीस्थित इजरायली दूतावास बाहिर भएको बम बिष्फोटको जिम्मेवारी लिएको थियो। यस संगठनले बिटक्वाइनबाट पैसा मागेको थियो।
२५ फ्रेवुअरीमा अम्बानीको घर एन्टिलियामा विस्फोटक पदार्थले भरिएको उक्त स्कोर्पियो कार भेटिएको थियो। प्रहरीका अनुसार स्कोर्पियोभित्र ‘मुम्बई इन्डियन्स’को ब्याग राखिएको थियो। उक्त क्रिकेट टीमका मालिक अम्बानी हुन्।
अहिले यो घटनाको मुम्बई क्राइम ब्रान्चको १० टीमले अनुसन्धान गरिरहेको जनाइएको छ। तर संगठनले एक सन्देशमार्फत अनुसन्धान एजेन्सीलाई चुनौतीसमेत दिएको छ।
सन्देशमा लेखिएको छ, ‘यदि तिमीहरु रोक्न सक्छाै भने रोक, हामीले तिमीहरुको नाक मुनिबाट दिल्लीलाई हिर्कायौं तर केही पनि गर्न सकेनाैं, तिमीले मोसादसँग हात मिलायाैं तर केही भएन, तिमीहरु नराम्रोसँग असफल भयौं, पछि पनि सफल हुने छैनौं।’
यो सन्देशको अन्त्यमा लेखिएको छ, ‘(अम्बानिसका लागि) कि तिमीलाई थाहा छ के गर्नुपर्छ। अब पैसा पठाइदेउ, जुन तिमीसँग पहिले कुरा गरिएको थियो।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789010468.jpg)
-1786602170.png)
