विराटनगर- नेपाली सेवा रैथाने एकता परिषद्ले तत्कालीन माओवादी लडाकुको नाममा भएको व्यापक अनियमितता (क्यान्टोनमेन्ट) र ललिता निवास जग्गा प्रकरणमा छानबिन गरी सार्वजनिक गर्न माग गरेको छ। विराटनगरमा शनिबार रैथाने एकता परिषद् प्रदेश १ कमिटीले आयोजना गरेको अन्तर्क्रिया कार्यक्रममा परिषद्का संयोजक सन्तोष बराइलीले परिषद्ले अख्तियार दुरुपयोग अनुसन्धान आयोगसँग उक्त माग गरेका हुन्।
बराइलीले रैथाने समुदायका प्रेमकुमार राईलाई अख्तियारको प्रमुख आयुक्त नियुक्त गरिएकोमा सरकारको प्रशंसा गर्दै प्रमुख आयुक्त राईले क्यान्टोनमेन्ट तथा ललिता निवास जग्गा प्रकरणको छानबिन अघि बढाउनेमा देशका समग्र रैथाने समुदाय आशावादी भएको बताए।
‘अख्तियारका प्रमुख आयुक्त राईले क्यान्टोनमेन्ट र ललिता निवास जग्गा प्रकरण लगायत ठूला अनियमितता छानबिन गरेर प्रमुख आयुक्त राईले देशका समग्र रैथाने समुदायको स्वाभिमान उचो बनाउनेमा हामी आशावादी छौँ,’ उनले भनेका थिए।
कार्यक्रममा रैथाने युवालाई राजनीतिक रुपमा सचेत रहन आग्रह गरिएको थियो। प्रधानमन्त्री ओलीलाई समर्थन गर्दै आएको परिषदद्वारा आयोजित कार्यक्रममा संघीयता खर्चिलो भएकाले खारेज गर्न पनि सरकारसमक्ष माग गरेको छ।
रैथाने एकता परिषद् ५ वर्षअघि सिरहाको लहानमा स्थापना गरिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1764146706.png)
