धनगढी- शनिबारदेखि सुरु भएको विद्यालयस्तरीय राष्ट्रिय क्रिकेट प्रतियोगिता पाँचौं लिटल फ्लावर प्रिमियर लिगमा कैलाली गेटाको विद्या भूषणले आयोजक लिटिल फ्लावर स्कुललाई ७ विकेटले हराउँदै विजयी सुरुवात गरेको छ।
लिटल फ्लावर स्पोर्टस एन्ड इभेन्टसको आयोजनामा भएको प्रतियोगितामा टस जितेर व्याटिङ गरेको लिटल फ्लावरले निर्धारित २० ओभरमा ९ विकेट गुमाउँदै एक सय ५२ रन बनाएको थियो। सुवास ऐरले ३७, नरेन भट्टले ३६, कप्तान विपिन रावलले १५ र राजकुमार शाहले १२ रन बनाए। वलिङमा विद्या भूषणका शेर मल्लले ३, विरेन्द्र नाथ र प्रदीप चन्दले समान २/२ तथा सञ्जय केसीले १ विकेट लिए।
१ सय ५३ रनको विजयी लक्ष्यसहित मैदानमा उत्रिएको विद्या भूषणले १७ दशमलव ५ ओभरमा ३ विकेट गुमाउँदै विजयी हुन सफल भयो।
विद्या भूषणका सुरुवाती ब्याट्सम्यान शेर मल्ल र विरेन्द्र नाथले १ सय २२ रनको साझेदारी गरेपछि जित निकाल्न सजिलो भएको हो। व्यक्तिगत रुपमा मल्लले ७० र नाथले ३७ रन बनाए। नरेन साउँदले अविजित रहँदै २६ रन बनाए। लिटल फ्लावरका राजकुमार शाहले २ र विपिन रावलले १ विकेट हात पारे।
प्रतियोगितामा विद्या भूषणका शेर मल्ल म्यान अफ द म्याच भए। यसअघि धनगढीको संघीय प्रहरी इकाई कार्यालयको खेल मैदानमा भएको प्रतियोगिताको धनगढी उपमहानगरपालिकाका मेयर नृपबहादुर ओडले उद्घाटन गरे। लिग कम नक आउटका आधारमा प्रतियोगिता भइरहेको लिटल फ्लावर स्पोर्टस एन्ड इभेन्टसका अध्यक्ष रामचन्द्र शाहीले बताए। उनले प्रतियोगितामा देशभरका १६ विद्यालयको सहभागिता रहेको जानकारी दिए।
जसमा काठमाडौं र कञ्चनपुरका २/२, रुपन्देही र दाङका एक/एक र कैलालीका १० विद्यालयको सहभागिता रहेको अध्यक्ष शाहीले बताए। प्रतियोगिताको विजेताले एक लाख २० हजार नगदसहित ट्रफी र प्रमाणपत्र पाउने छ भने उपविजेताले ६० हजार प्राप्त गर्दा सर्वोत्कृष्ट खेलाडीले १० हजार पाउनेछन्।
यस्तै, उत्कृष्ट ब्याट्सम्यान, बलर र उदीयमान खेलाडीलाई जनही ५/५ हजार प्रदान गरिने छ। म्यान अफ दि म्याचले १ हजार ५ सय पाउने अध्यक्ष शाहीले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786801196.jpg)
-1786602170.png)
