बेलायती अदालतले भन्याे– ‘आइएसआइएसकी दुलही’को नागरिकता फिर्ता दिन सक्दैनाैं

विश्व

नेपाल लाइभ शनिबार, फागुन १५, २०७७ ०९:३७

काठमाडाैं– बेलायतको सर्वोच्च अदालतले इस्लामिक स्टेट ‘आइएसआइएसकी दुलही’ भनेर चिनिने शमिमा बेगमको नागरिकता फिर्ता दिन अस्वीकार गरेको छ।

बंगलादेशी मूलकी बेलायती नागरिक शमिमा फेब्रुअरी २०१५ मा १५ वर्षको उमेरमा सिरिया पुगेकी थिइन्। त्यही बेला उनी आइएसआइएसमा लागेको बताइन्छ।

फेब्रुअरी २०१९ मा शमिमालाई सिरियाको शरणार्थी शिविरमा भेटिएपछि बेलायती सरकारले उनको नागरिकता राष्ट्रिय सुरक्षाको आधारमा खारेज गरेको थियो।

बेलायतलाई डर थियो कि उनी फिर्ता भइन् भने राष्ट्रिय सुरक्षा खतरामा पार्नेछ। त्यसपछि बेलायती सरकारकाे निर्यणविरुद्ध शमिमाका वकिलहरुले सर्वोच्चमा मुद्धा दायर गरेका थिए।

सर्वोच्चका पाँचै न्यायाधीशहरूकाे सर्वसम्मतिले शमिमालाई देश फर्कन अनुमति नदिने निर्णय गरेकाे हाे।

सर्वोच्चका प्रधानन्यायधिश लार्ड रबर्ट रीडले भने,‘सर्वोच्च अदालतले सबै अपीललाई सर्वसम्मतिले अनुमोदन गरेकाे छ। निष्पक्ष सुनुवाईको अधिकार अरु सबै चिन्ताहरु भन्दा बढी हुँदैन, जस्तै सार्वजनिक सुरक्षा।’

शमिमाको जन्म बेलायतमा भएको थियो। उनका अभिभावक बंगलादेशी मूलका हुन्। उनको बिवाह डच आइएसआइएस लडाकू यागो रिडिजकसँग भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

कोशी मुख्यमन्त्रीको कार्यकक्षमा मोबाइल लैजान प्रतिबन्ध

रवीन्द्र मिश्रलाई थप पाँच दिन हिरासतमा राख्न अनुमति

राप्रपा रुपन्देही उपाध्यक्षसहित तीन नेताले दिए राजीनामा