काठमाडाैं– नाइजेरियाली राष्ट्रपति मोहम्मद बुहारीले फिरौती रकम असुल्नका लागि बालबालिकाहरुलाई निशाना बनाइनु गम्भीर अपराध रहेको बताएका छन्।
शुक्रबार एक सशस्त्र समूहले ३ सयभन्दा धेरै विद्यार्थीलाई अपहरण गरेको घटनाबारे बाेल्दै उनले आफ्नाे सरकार ब्ल्याकमेलमा नफस्ने समेत बताए।
ती सशस्त्र समूहकाे जन्गेबे इलाकाबाट विद्यार्थीहरुलाई अपहरण गरेकाे थियाे। अपहरण गर्नुपूर्व मोटरसाइकल र गाडीमा आएका बन्दुकधारीहरुले हमला समेत गरेकाे जनाइन्छ।
उनले बन्दुकधारीहरुकाविरुद्ध सरकारले ठूलो संख्यामा सुरक्षाकर्मी परिचालन गर्न सक्ने भए पनि स्कुले बालकालिकामा कुनै क्षति नहोस् भनेर सरकार सचेत बनेको पनि बताए।
उनले यो समयको सबैभन्दा ठूलो प्राथमिकता अपहरणमा परेका सबै विद्यार्थीको सकुशल उद्धार रहेको पनि बताएका छन्।
नाइजेरियामा हतियारधारी समूहले प्राय: फिरौतिका लागि मानिसहरुको अपहरण गर्ने गर्दछ। छिमेकी देश नाइजरमा पछिल्लो हप्ता मात्रै २७ विद्यार्थीसहित ४२ जनाको अपहरण भएको थियो।
उनीहरुकाे अवस्था अहिलेसम्म अज्ञात छ। गत वर्ष डिसेम्बरमा पनि ३०० भन्दा धेरै विद्यार्थीको अपहरण भएको थियो। वार्तापछि उनीहरुलाई रिहाइ गरिएकाे थियाे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
