काठमाडाैं– चरमपन्थी संगठन तालिबानले अफगानिस्तान– अमेरिका सरकारले गरेको प्रतिबद्धता पूरा नगरेको आरोप लगाएको छ।
अलजाजिरासँग कुरा गर्दै तालिबानका एक शीर्ष अधिकारीले गत वर्ष दोहामा भएको सम्झौताको पालना नगरेको आरोप लगाएका हुन्।
उनका अनुसार वार्ता सुरु भएको तीन महिना पछि सबै तालिबान कैदीहरूलाई रिहा गर्ने बचन दिइएको थियो।
तर पछिल्लो पाँच महिनायता तालिबानका कुनै पनि कैदीहरु रिहा नभएको उनले बताएका छन्।
‘५ महिना भन्दा बढी बितिसकेको छ र उनीहरूले एक जना कैदीलाई रिहा गरेका छैनन्,’ नाम उल्लेख नगर्ने शर्तमा ती तालिबानी नेताले भने,‘ राष्ट्रपति अशरफ घानी नेतृत्वकाे अफगान सरकारले याे काम पूरा गर्न ढिलाइ गरेका हुन्।’
अमेरिकामा सत्ता परिवर्तनपछि मंगलबार अफगानिस्तानको सरकार र तालिबानबीच वार्ता सुरु भएको थियो। अमेरिकी राष्ट्रपति जो वाइडेनले गत वर्ष तालिबानसँग भएको सम्झौताबारे पुनर्विचार गरिरहेका जनाइएकाे छ।
उनले अफगानिस्तानमा युद्ध अन्त्य गर्ने विषयमा सहमति जनाएपनि अमेरिकी सेना फिर्ताको विषयमा भने असन्तुष्टि जनाएका छन्।
गत साता तालिबानले अमेरिकालाई खुला चिठी लेख्दै आफ्ना सेना फिर्ता गर्न आग्रह गरेको थियो।
‘हाम्रो अमेरिकासँग सम्झौता छ र उनीहरूले सम्झौताको पालना गरोस् भन्ने हमाी चाहान्छौं। सम्झौताप्रति प्रतिबद्ध छाैं र अर्को पक्षले पनि प्रतिबद्ध छ भन्ने कुरामा हामी आशावादी छाैं,’ ती तालिबान अधिकारीले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1781580295.jpg)
-1786783778.jpg)
-1786602170.png)
