काठमाडौं- नेपाल कम्युनिस्ट पार्टीको प्रचण्ड-माधव पक्षका अध्यक्षद्वय पुष्पकमल दाहाल 'प्रचण्ड' र माधवकुमार नेपालले नेपाली कांग्रेसका सभापति शेरबहादुर देउवासँग सत्ता सहकार्यको प्रस्ताव राखेका छन्। बुधबार देउवा निवास बूढानीलकण्ठमा सत्ता सहकार्यकबारे छलफल भएको देउवा निवास स्रोतले जानकारी दिएको छ।
दिउँसो १ बजे सुरु भएको छलफल करिब आधा घण्टासम्म छलफल भएको बताइएको छ। प्रारम्भिक चरणको छलफल भएपनि विस्तृत रूपमा आ-आफ्नो पार्टीमा छलफल गरी अघि बढ्ने र शीर्ष नेताहरूबीच वार्ता जारी राख्ने सहमति भएको देउवा निकट स्रोतले उल्लेख गरेको छ।
बुधबार चितवनमा तय गरिएको कार्यक्रमका लागि मंगलबार चितवन पुगेका दाहाल र माधव सर्वाेच्च अदालतको फैसलापछि कार्यक्रम नगरी काठमाडाैं फर्किएका थिए। चितवनबाट नै प्रचण्डले देउवासँग बुधबार छलफल हुने बताएका थिए।
मंगलबार सर्वाेच्चले प्रतिनिधि सभा विघटन गर्ने प्रधानमन्त्री केपी शर्मा ओलीको निर्णयलाई बदर गर्दै १३ दिनभित्र प्रतिनिधि सभा बैठक बोलाउन फैसला गरेको थियो।
प्रचण्ड-नेपाल पक्षको स्थायी कमिटी बैठक भने पार्टी कार्यालय पेरिसडाँडामा जारी छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1752245592.jpg)
-1752043710.jpg)
-1749826086.png)
