काठमाडाैं– अमेरिकाले भारत र चीनका सैनिकबीच भइरहेकाे तनाव कम गर्न मध्यस्तकर्ताकाे भूमिका खेल्न तयार रहेकाे बताइरहँदा दुई पत्रकारसहित केही व्यक्ति पक्राउ परेका छन्।
मृतक सेनाप्रति अनैतिक टिप्पणी गरेको भन्दै चीनमा पत्रकारसहित ६ जनालाई गिरफ्तार गरेर साउथ चाइना मर्निङ पोस्टले जनाएको छ।
उनीहरुले गलवान उपत्यकामा भारतीय सेनासँगको झडपमा मारिएका चार सेना र घाइते भएका एक सेनाको बेइज्जत गरेको चीनको भनाइ छ।
पक्राउ परेकामध्ये पत्रकार क्यु जिमिङ पनि छन्। ३८ वर्षका उनले यसअघि द इकोनोमिक अब्जर्भरमा खोजमूलक पत्रकारिता गरेका थिए।
उनको अभिव्यक्तिले तथ्यलाई तोडमोड गरेर समाजमा नकरात्मकता र अफवाह फैल्याएको बताइएको छ।
पक्राउ परेकाहरुले गत वर्षको मे ५ मा भएको भिडन्तमा मारिएका चिनियाँ सेनाको संख्यामा आशंका व्यक्त गरेका स्थानिय अधिकारीहरुले जनाएका छन्।
‘चारभन्दा बढी नै चिनियाँ सेना मारिएको हुनसक्ने हाल पक्राउ परेकाहरुले धारणा राखेका थिए,’ समाचारमा भनिएकाे छ।
अमेरिका मध्यस्तकर्ता बन्न तयार
अमेरिकी विदेश मन्त्रालयका प्रवक्ता नेड प्राइसलेद आफूहरु मध्यस्तकर्ता बन्न तयार रहेको बताएका छन्।
यमित पत्रकार सम्मेलनका क्रममा उनले भने, ‘हामी सेनाको डिसइंगेजमेन्टको रिपोर्टमा लगातार नजर राखिरहेका छौँ, तनाव कम गर्न भइरहको प्रयासको स्वागत गछौैँ।’
तर दुवै देश आपसी सहमति गरेर उत्तर र दक्षिण पैंगोग झीलको सबैभन्दा विवादास्पद क्षेत्रमा आ–आफ्ना सेनालाई पछि हटाउने सम्झौतामा पुगेका छन्।
यस प्रश्नको जवाफमा उनले भने, ‘दुवै पक्ष शान्तिपूर्ण समाधानतर्फ काम गरिरहेका छन्, हामी निश्चित रुपमले स्थितिको अनुगमन जारी राख्नेछौँ।’
गत शुक्रबार मात्र चीनले गतवर्षको जुन १५ मा गलवान उपत्यकामा भएको झडपमा चार चिनियाँ सेनाको मृत्यु भएको पुष्टि गरेको थियो। सो झडपमा भारतका २० सेनाको ज्यान गएको थियो।
भारतले सोही दिन आफ्नो सैनिक मारिएको स्वीकार गरेको थियो तर चीनले भने घटना भएको आठ महिनापछि मात्र आफ्नो सेनाको मृत्यु भएको स्वीकार गरेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
