निर्मला पन्तका हत्यारा र बलात्कारी कानुनको पञ्जा नजिक आइसकेका छन् : गृहमन्त्री थापा

समाज

नेपाल लाइभ शनिबार, फागुन ८, २०७७ १५:४१

फाइल तस्बिर

विराटनगर- गृहमन्त्री रामबहादुर थापा 'बादल'ले निर्मला पन्तका हत्यारा र बलात्कारी कानुनको पञ्जाको नजिक आइसकेको दाबी गरेका छन्। उनले निर्मलाका हत्यारा र बलात्कारीलाई कानुनको कठघरामा उभ्याउने प्रतिबद्धतासमेत व्यक्त गरे।

नेपाल कम्युनिस्ट पार्टीको केपी शर्मा ओली पक्षले विराटनगरमा आयोजना गरेको सभामा सम्बोधन गर्दै गृहमन्त्री थापाले भने, 'निर्मलाका हत्यारा र बलात्कारी पनि अब हाम्रो कानुनको पञ्जाको नजिक आइसकेको छ। त्यसलाई पनि कानुनको कठघरामा उभ्याउने छौँ।'

२०७५ साउन ११ गते कञ्चनपुरकी निर्मलाको शव महेन्द्रनगरको एक उखुबारीमा फेला परेको थियो। बलात्कारपछि पन्तको हत्या भएको अनुसन्धानले देखाएपनि प्रहरीले हालसम्म कसैलाई पनि पक्राउ गरी कारबाही चलाउन सकेको छैन।

सभामा सम्बोधन गर्दै गृहमन्त्री थापाले सबै भ्रष्टाचारी र अपराधीहरूलाई कुनै पनि किसिमको छुट नदिइने सेमत उद्घोष गरे। 'म सबै अपराधीहरूला सचेत गराउन चाहन्छु। कुनै पनि अपराधीलाई छुट दिइने छैन। भ्रष्टाचारीलाई पनि छुट दिने छैन,' थापाले सम्बोधनका क्रममा भने।

उनले सरकारको सफलताबाट आतकिंत भएर नै प्रचण्ड-माधव पक्षले वर्तमानको विषम परिस्थिति सिर्जना गरेको आरोपसमेत उनले लगाएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

‘सही कथा भएमा काठमाडौं मेरा फिल्मको सुटिङ थलो बन्नेछ’

जर्मनीद्वारा युरोपेली सङ्घलाई ट्रम्पको शुल्क तयारी गर्न आग्रह

एक्सन स्पोर्ट्सको युट्युबमा एनपिएल हेर्न सकिने