क्यारेबियन प्रिमियर लिगमा मुजिब र सन्दीप। तस्बिर : सिपिएल
काठमाडौं– इन्डियन प्रिमियर लिग (आइपिएल) २०२१ को संस्करणका लागि बिहीबार खेलाडीको ‘अक्सन’ भएको छ। जसमा सुरुवाती रकम ४० लाख भारतीय रुपैयाँ राखेका नेपाली लेग स्पिनर सन्दीप लामिछानेलाई कुनै टिमले लिएनन्।
जहाँ पहिलो चरणमा नलिइएका अफगानिस्तानका १९ वर्षका अफ ब्रेक बलर मुजिब उर रहमान अन्तिम चरणमा बिकेका छन्। मुजिब उर रहमानलाई १ करोड ५० लाख भारतीय रुपैयाँमा सनराइजर्स हैदराबादले किनेको हो।
सन्दीपलाई सन् २०१७ मा तत्कालीन दिल्ली डेयरडेभिल्सले २० लाख भारतीय रुपैयाँमा आफ्नो टिममा अनुबन्धित गरेको थियो। लगातार दुई संस्करण सन्दीपलाई रिटेन गरेको अहिलेको दिल्ली क्यापिटल्सले २०२१ को संस्करणको आइपिएललाई भने रिलिज गरेको थियो। जहाँ उनी यसपटक बिकेनन्।
अक्सनमा सर्वाधिक १६ करोड २५ लाख भारतीय रुपैयाँमा राजस्थान रोयल्सले दक्षिण अफ्रिकी खेलाडी क्रिस मोरिसलाई किन्यो। मोरिस आइपिएलमा अहिलेसम्मकै सबैभन्दा महँगा खेलाडी बने। यसअघि २०१५ मा भारतीय खेलाडी युवराज सिंहलाई तत्कालीन दिल्ली डेयरडेभिल्सले १६ करोड भारतीय रुपैयाँमा किनेको थियो।
यस्तै न्युजिल्यान्डका काएल जेमिसन सुरुवाती ७५ लाख भारतीय रुपैयाँबाट बढाएर १५ करोडमा रोयल च्यालेन्जर्स बैंग्लोरले किन्यो। १४ करोड २५ लाख भारतीय रुपैयाँमा अस्ट्रेलियन खेलाडी ग्लेन म्याक्सवेललाई रोयल च्यालेन्जर्स बैंग्लोरले किनेको छ। जाय रिचार्डसनलाई १ करोड ५० लाख सुरुवाती रकमबाट बढाएर १४ करोड भारतीय रुपैयाँमा किंग्स इलाभेन पञ्जावले किन्यो।
विश्वमा सर्वाधिक महँगो क्रिकेट प्रतियोगिता मानिने आइपिएलको १४औँ संस्करण आगामी अप्रिलदेखि मेको समयमा हुने तयारी छ। जुन प्रतियोगिता आइपिएलमा आठ टिमले खेल्ने अन्तिम प्रतियोगिता हो। २०२२ देखि भने आइपिएलमा १० टिमको सहभागिता रहनेछ।
आइपिएलका आठ टिमले ‘रिटेन’ (टिममै राख्नु) का साथै खेलाडी ‘रिलिज’ (टिमबाट बिदा गर्नु) गर्दा राम्रा विदेशी खेलाडीहरु बाहिरिएका थिए।
कसलाई कुन टिमले कतिमा किन्यो?
दिल्ली क्यापिटल्स
स्टेभेन स्मिथमाथि दुई करोड भारतीय रुपैयाँबाट सुरु भएको बोलीमा २० लाख बोली बढाएर दिल्ली क्यापिटल्सले आफ्नो टिममा भित्र्यायो।
उमेश यादव सुरुवाती १ करोड भारतीय रुपैयाँमा नै दिल्ली क्यापिटल्समा गए।
रिपल पटेललाई सुरुवाती रकम २० लाख भारतीय रुपैयाँमा दिल्ली क्यापिटल्सले किन्यो।
भारत केरलाका विष्णु बिनोदलाई २० लाख भारतीय रुपैयाँमा दिल्ली क्यापिटल्सले किन्यो।
लुकमान मेरिवाला २० लाख भारतीय रुपैयाँमा दिल्ली क्यापिटल्समा गए।
इंग्ल्यान्ड ब्याट्सम्यान साम विलिङ्स दिल्ली क्यापिटल्समा २ करोड भारतीय रुपैयाँमा गए।
रोयल च्यालेन्जर्स बैंग्लोर
ग्लेन म्याक्सवेल सुरुवाती रकम २ करोड भारतीय रुपैयाँबाट सुरु भएको बोली बढ्दै जाँदा १४ करोड २५ लाखमा रोयल च्यालेन्जर्स बैंग्लोरले किन्यो।
सचिन बेबीलाई सुरुवाती रकम २० लाख भारतीय रुपैयाँमा रोयल च्यालेन्जर्स बैंग्लोरले किन्यो।
रजत पटिदार सुरुवाती रकम २० लाख भारतीय रुपैयाँमा रोयल च्यालेन्जर्स बैंग्लोरमा गए।
भारत केरलाका मोहम्मद अजरुद्धिन रोयल च्यालेन्जर्स बैंग्लोरमा २० लाख भारतीय रुपैयाँमा गए।
न्यु जिल्यान्डका काएल जेमिसन सुरुवाती ७५ लाख भारतीय रुपैयाँबाट बढाएर १५ करोडमा रोयल च्यालेन्जर्स बैंग्लोरले किन्यो।
७५ लाख सुरुवाती मूल्य रहेका अस्ट्रेलियाका अलराउण्डर डान क्रिष्टियनलाई रोयल च्यालेन्जर्स बैंग्लोरले ४ करोड ८० लाख भारतीय रुपैयाँमा किन्यो।
सुयश प्रभुदेसाइलाई सुरुवाती मूल्य २० लाख भारतीय रुपैयाँमा रोयल च्यालेन्जर्स बैंग्लोरले किन्यो।
केएस भरतलाई सुरुवाती मूल्य २० लाख भारतीय रुपैयाँमा रोयल च्यालेन्जर्स बैंग्लोरले किन्यो।
कोलकाता नाइट राइडर्स
साकिब अल हसनका लागि दुई करोडबाट सुरु भएको बोली कोलकाता नाइट राइडर्सले ३ करोड २० लाख भारतीय रुपैयाँमा किन्यो।
भारत पुडुचेरीका शेल्डन ज्याक्सन २० लाख भारतीय रुपैयाँमा कोलकाता नाइट राइडर्समा गए।
बेन कटिङलाई सुरुवाती मूल्य ७५ लाख भारतीय रुपैयाँमा कोलकाता नाइट राइडर्सले किन्यो।
वैवभ अरोरालाई २० लाख भारतीय रुपैयाँ सुरुवाती मूल्यमा कोलकाता नाइट राइडर्सले किन्यो।
करुण नायर सुरुवाती मूल्य ५० लाख भारतीय रुपैयाँमा कोलकाता नाइट राइडर्समा गए।
हरभजन सिंह २ करोड भारतीय रुपैयाँमा कोलकाता नाइट राइडर्समा गए।
वेनकटेस ऐयरलाई सुरुवाती मूल्य २० लाख भारतीय रुपैयाँमा कोलकाता नाइट राइडर्सले किन्यो।
पवन नेगीलाई सुरुवाती मूल्य ५० लाख भारतीय रुपैयाँमा कोलकाता नाइट राइडर्सले किन्यो।
चेन्नई सुपर किंग्स
मोइन अली दुई करोड रुपैयाँबाट बढेर ७ करोड भारतीय रुपैयाँमा चेन्नई सुपर किंग्सले किन्यो।
भारत कर्नाटकका अफस्पिनर कृष्णपा गौथम सुरुवाती २० लाख भारतीय रुपैयाँबाट बढेर ९ करोड २५ लाखमा चेन्नई सुपर किंग्समा गए।
चेतेश्वर पुजारा सुरुवती ५० लाख भारतीय रुपैयाँमा चेन्नईमा बिके।
हरिशंकर रेड्डीलाई सुरुवाती मूल्य २० लाख भारतीय रुपैयाँमा चेन्नई सुपर किंग्सले किन्यो।
भागवथ वर्मालाई सुरुवाती मूल्य २० लाख भारतीय रुपैयाँमा चेन्नई सुपर किंग्सले किन्यो।
हरि निशान्थ २० लाख भारतीय रुपैयाँमा चेन्नइ सुपर किंग्समा गए।
राजस्थान रोयल्स
शिबम दुवे ५० लाख सुरुवाती रकमबाट बढेर ४ करोड ४० लाख रुपैयाँमा राजस्थान रोयल्सले किन्यो।
क्रिस मोरिस ७५ लाख सुरुवाती रकमबाट बढेर १६ करोड २५ लाख भारतीय रुपैयाँमा राजस्थान रोयल्सले किन्यो।
मुस्तफिजुर रहमान राजस्थान रोयल्समा १ करोड रुपैयाँमा बिके।
चेतन सकारिया सुरुवाती २० लाख भारतीय रुपैयाँबाट बढेर १ करोड २० लाखमा राजस्थान रोयल्समा गए।
भारत कर्नाटककै केसी करिप्पा सुरुवाती रकम २० लाख भारतीय रुपैयाँमा राजस्थान रोयल्समा गए।
इंग्ल्यान्ड अलराउन्डर लायम लिभिङस्टोनलाई ७५ लाख भारतीय रुपैयाँको सुरुवाती मूल्यमा नै राजस्थान रोयल्सले किन्यो।
कुलदीप यादवलाई राजस्थान रोयल्सले सुरुवाती मूल्य २० लाख भारतीय रुपैयाँमा किन्यो।
आकाश सिंहलाई सुरुवाती मूल्य २० लाख भारतीय रुपैयाँमा राजस्थान रोयल्सले किन्यो।
किंग्स इलाभेन पञ्जाव
डेभिड मलानलाई १ करोड ५० लाख भारतीय रुपैयाँमा किंग्स इलाभेन पञ्जावले किन्यो।
जाय रिचार्डसनलाई १ करोड ५० लाख सुरुवाती रकमबाट बढाएर १४ करोड भारतीय रुपैयाँमा किंग्स इलाभेन पञ्जावले किन्यो।
साहरुख खान सुरुवाती रकम २० लाख भारतीय रुपैयाँबाट बढेर ५ करोड २५ लाखमा किंग्स इलाभेन पञ्जावमा गए।
अस्ट्रेलियाका रिले मेरेडिथ सुरुवाती ४० लाख भारतीय रुपैयाँबाट बढेर ८ करोडमा किंग्स इलाभेन पञ्जावमा गए।
मोएसेस हेनरिक्सलाई १ करोड भारतीय रुपैयाँबाट बढाएर ४ करोड २० लाख रुपैयाँमा किंग्स इलाभेन पञ्जावले किन्यो।
जजाज सक्सेनलाई ३० लाख भारतीय रुपैयाँ सुरुवाती मूल्यमा किंग्स इलाभेन पञ्जावले किन्यो।
उत्कर्ष सिंहलाई २० लाख भारतीय रुपैयाँ सुरुवाती मूल्यमा किंग्स इलाभेन पञ्जावले किन्यो।
वेस्ट इन्डिजका अलराउण्डर फाबियन एलेनलाई सुरुवाती मूल्य ७५ लाख भारतीय रुपैयाँमा नै किंग्स इलाभेन पञ्जावले किन्यो।
सौरभ कुमार सुरुवाती मूल्य २० लाख भारतीय रुपैयाँमा किंग्स इलाभेन पञ्जाव गए।
मुम्बई इन्डियन्स
एडम मिल्नेको ५० लाखबाट सुरु भएको बोली बढेर मुम्बई इन्डियन्सले ३ करोड २० भारतीय रुपैयाँमा किन्यो।
नाथन कोल्टर नाइललाई १ करोड ५० लाख सुरुवाती रकमबाट बढाएर ५ करोड रुपैयाँमा मुम्बई इन्डियन्सले किन्यो।
पियुष चावलालाई सुरुवाती ५० लाख रुपैयाँबाट बढाएर २ करोड ४० लाख भारतीय रुपैयाँमा मुम्बई इन्डियन्सले किन्यो।
जिम्मी नीशामलाई मुम्बई इन्डियन्सले सुरुवाती मूल्य ५० लाख भारतीय रुपैयाँमा किन्यो।
दक्षिण अफ्रिकाका मार्मो ज्यानसन सुरुवाती मूल्य २० लाख भारतीय रुपैयाँमा मुम्बई इन्डियन्समा गए।
अर्जुन तेन्दुलकर सुरुवाती मूल्य २० लाख भारतीय रुपैयाँमा मुम्बई इन्डियन्समा गए।
सनराइजर्स हैदराबाद
भारत कर्नाटकका देब्रे हाते स्पिन अलराउन्डर जगदिशा सुचिथ २० लाख भाारतीय रुपैयाँबाट बढेर ३० लाखमा सनराइजर्स हैदराबादमा गए।
केदार ज्यादव सनराइजर्स हैदरावादमा २ करोड भारतीय रुपैयाँमा गए।
मुजिब उर रहमानलाई १ करोड ५० लाख भारतीय रुपैयाँमा सनराइजर्स हैदराबादले किन्यो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1765528419.png)
-1764146706.png)
-1763721444.png)
-1765273665.jpg)
