काठमाडौं- इन्डियन प्रिमियर लिग (आइपिएल) २०२१ को संस्करणका लागि बिहीबार खेलाडीको ‘अक्सन’ भएको छ। जसमा सुरुवाती रकम ४० लाख भारतीय रुपैयाँ राखेका नेपाली लेग स्पिनर सन्दीप लामिछानेलाई कुनै टिमले लिएनन्।
सन् २०१७ मा तत्कालीन दिल्ली डेयरडेभिल्सले लामिछानेलाई २० लाख भारुमा आफ्नो टिममा अनुबन्धित गरेको थियो। लगातार दुई संस्करण सन्दीपलाई रिटेन गरेको अहिलेको दिल्ली क्यापिटल्सले २०२१ को संस्करणको आइपिएललाई भने रिलिज गरेको थियो। जहाँ उनी यसपटक बिकेनन्। अक्सनको अन्तिममा उनका लागि फेरि एक मौका हुनेछ।
अक्सनमा सर्वाधिक १६ करोड २५ लाख भारतीय रुपैयाँमा राजस्थान रोयल्सले दक्षिण अफ्रिकी खेलाडी क्रिस मोरिसलाई किन्यो। मोरिस आइपिएलमा अहिलेसम्मकै सबैभन्दा महँगा खेलाडी बने। यसअघि २०१५ मा भारतीय खेलाडी युवराज सिंहलाई तत्कालीन दिल्ली डेयरडेभिल्सले १६ करोड भारतीय रुपैयाँमा किनेको थियो।
यस्तै १४ करोड २५ लाख भारतीय रुपैयाँमा अस्ट्रेलियन खेलाडी ग्लेन म्याक्सवेललाई रोयल च्यालेन्जर्स बैंग्लोरले किनेको छ। उनका लागि सुरुवाती रकम २ करोड भारतीय रुपैयाँ रहेको थियो।
विश्वमा सर्वाधिक महँगो क्रिकेट प्रतियोगिता मानिने आइपिएलको १४औँ संस्करण आगामी अप्रिलदेखि मेको समयमा हुने तयारी छ। जुन प्रतियोगिता आइपिएलमा आठ टिमले खेल्ने अन्तिम प्रतियोगिता हो। २०२२ देखि भने आइपिएलमा १० टिमको सहभागिता रहनेछ।
आइपिएलका आठ टिमले ‘रिटेन’ (टिममै राख्नु) का साथै खेलाडी ‘रिलिज’ (टिमबाट बिदा गर्नु) गर्दा राम्रा विदेशी खेलाडीहरु बाहिरिएका थिए। जसले यो पटकको अक्सनमा ठूला खेलाडीमाथि बोली लागेको हो। जहाँ आरोन फिन्च, एलेक्स हेल्स, ज्यासन रोय, स्याम विलिंग्स, अदिल रासिद, मुजिब उल रहमान, हरभजन सिंहजस्ता खेलाडी पनि बिकेका छैनन्।
अहिलेसम्म कसलाई कुन टिमले कतिमा किन्यो?
दिल्ली क्यापिटल्स
स्टेभेन स्मिथमाथि दुई करोड भारतीय रुपैयाँबाट सुरु भएको बोलीमा २० लाख बोली बढाएर दिल्ली क्यापिटल्सले आफ्नो टिममा भित्र्यायो।
उमेश यादव सुरुवाती १ करोड भारतीय रुपैयाँमा नै दिल्ली क्यापिटल्समा गए।
रिपल पटेललाई सुरुवाती रकम २० लाख भारतीय रुपैयाँमा दिल्ली क्यापिटल्सले किन्यो।
भारत केरलाका विष्णु बिनोदलाई २० लाख भारतीय रुपैयाँमा दिल्ली क्यापिटल्सले किन्यो।
लुकमान मेरिवाला २० लाख भारतीय रुपैयाँमा दिल्ली क्यापिटल्समा गए।
रोयल च्यालेन्जर्स बैंग्लोर
ग्लेन म्याक्सवेल सुरुवाती रकम २ करोड भारतीय रुपैयाँबाट सुरु भएको बोली बढ्दै जाँदा १४ करोड २५ लाखमा रोयल च्यालेन्जर्स बैंग्लोरले किन्यो।
सचिन बेबीलाई सुरुवाती रकम २० लाख भारतीय रुपैयाँमा रोयल च्यालेन्जर्स बैंग्लोरले किन्यो।
रजत पटिदार सुरुवाती रकम २० लाख भारतीय रुपैयाँमा रोयल च्यालेन्जर्स बैंग्लोरमा गए।
भारत केरलाका मोहम्मद अजरुद्धिन रोयल च्यालेन्जर्स बैंग्लोरमा २० लाख भारतीय रुपैयाँमा गए।
न्यु जिल्यान्डका काएल जेमिसन सुरुवाती ७५ लाख भारतीय रुपैयाँबाट बढाएर १५ करोडमा रोयल च्यालेन्जर्स बैंग्लोरले किन्यो।
कोलकाता नाइट राइडर्स
साकिब अल हसनका लागि दुई करोडबाट सुरु भएको बोली कोलकाता नाइट राइडर्सले ३ करोड २० लाख भारतीय रुपैयाँमा किन्यो।
भारत पुडुचेरीका शेल्डन ज्याक्सन २० लाख भारतीय रुपैयाँमा कोलकाता नाइट राइडर्समा गए।
चेन्नई सुपर किंग्स
मोइन अली दुई करोड रुपैयाँबाट बढेर ७ करोड भारतीय रुपैयाँमा चेन्नई सुपर किंग्सले किन्यो।
भारत कर्नाटकका अफस्पिनर कृष्णपा गौथम सुरुवाती २० लाख भारतीय रुपैयाँबाट बढेर ९ करोड २५ लाखमा चेन्नई सुपर किंग्समा गए।
चेतेश्वर पुजारा सुरुवती ५० लाख भारतीय रुपैयाँमा चेन्नईमा बिके।
राजस्थान रोयल्स
शिबम दुवे ५० लाख सुरुवाती रकमबाट बढेर ४ करोड ४० लाख रुपैयाँमा राजस्थान रोयल्सले किन्यो।
क्रिस मोरिस ७५ लाख सुरुवाती रकमबाट बढेर १६ करोड २५ लाख भारतीय रुपैयाँमा राजस्थान रोयल्सले किन्यो।
मुस्तफिजुर रहमान राजस्थान रोयल्समा १ करोड रुपैयाँमा बिके।
चेतन सकारिया सुरुवाती २० लाख भारतीय रुपैयाँबाट बढेर १ करोड २० लाखमा राजस्थान रोयल्समा गए।
भारत कर्नाटककै केसी करिप्पा सुरुवाती रकम २० लाख भारतीय रुपैयाँमा राजस्थान रोयल्समा गए।
किंग्स इलाभेन पञ्जाव
डेभिड मलानलाई १ करोड ५० लाख भारतीय रुपैयाँमा किंग्स इलाभेन पञ्जावले किन्यो।
जाय रिचार्डसनलाई १ करोड ५० लाख सुरुवाती रकमबाट बढाएर १४ करोड भारतीय रुपैयाँमा किंग्स इलाभेन पञ्जावले किन्यो।
साहरुख खान सुरुवाती रकम २० लाख भारतीय रुपैयाँबाट बढेर ५ करोड २५ लाखमा किंग्स इलाभेन पञ्जावमा गए।
अस्ट्रेलियाका रिले मेरेडिथ सुरुवाती ४० लाख भारतीय रुपैयाँबाट बढेर ८ करोडमा किंग्स इलाभेन पञ्जावमा गए।
मोएसेस हेनरिक्सलाई १ करोड भारतीय रुपैयाँबाट बढाएर ४ करोड २० लाख रुपैयाँमा किंग्स इलाभेन पञ्जावले किन्यो।
मुम्बई इन्डियन्स
एडम मिल्नेको ५० लाखबाट सुरु भएको बोली बढेर मुम्बई इन्डियन्सले ३ करोड २० भारतीय रुपैयाँमा किन्यो।
नाथन कोल्टर नाइललाई १ करोड ५० लाख सुरुवाती रकमबाट बढाएर ५ करोड रुपैयाँमा मुम्बई इन्डियन्सले किन्यो।
पियुष चावलालाई सुरुवाती ५० लाख रुपैयाँबाट बढाएर २ करोड ४० लाख भारतीय रुपैयाँमा मुम्बई इन्डियन्सले किन्यो।
सनराइजर्स हैदराबाद
भारत कर्नाटकका देब्रे हाते स्पिन अलराउन्डर जगदिशा सुचिथ २० लाख भाारतीय रुपैयाँबाट बढेर ३० लाखमा सनराइजर्स हैदराबादमा गए।
सनराइजर्स हैदराबादले १ करोड ५० लाख भारतीय रुपैयाँ सुरुवाती रकम रहेका टम कुरानलाई ५ करोड २५ लाखमा किन्यो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
