काठमाडौं- जापान सरकारले निर्माण गरेको बिपी राजमार्ग भूकम्पपछिको पुनःनिर्माण सकेर नेपाल सरकारलाई हस्तान्तरण गरेको छ। बिहीबार भौतिक पूर्वाधार तथा यातायात मन्त्रालयमा आयोजित भर्चुअल कार्यक्रममार्फत् जापानले उक्त सडक नेपाललाई हस्तान्तरण गरेको हो।
पुनःनिर्माण गरिएको बिपी राजमार्गको भर्चुअल उद्घाटन गर्दै भौतिक पूर्वाधार तथा यातायात मन्त्री बसन्तकुमार नेम्वाङले नेपालको विकास निर्माणमा जापान पुरानो साझेदार रहेको बताए। नेपालको उर्जा, यातायात, खानेपानी तथा सरसफाई, शिक्षा, स्वास्थ्य, शान्ति स्थापना, र कृषि क्षेत्रमा जापान सरकारको योगदान उल्लेखनीय भएको मन्त्री नेम्वाङको भनाइ छ।
मन्त्री नेम्वाङले नेपालको विकासमा जापानको सहयोगको प्रशंसा गरे। उनले नेपालको विकास र समृद्धिको चाहाना परिपूर्ति गर्न नेपालका लागि जापानी राजदूत मासामिची साइगोको साथ र समन्वयको समेत प्रशंसा गरे।
त्यस्तै जापनी राजदूत मासामिची साइगोले नेपाल र जापानबीच गहिरो मित्रता रहेको उल्लेख गर्दै नेपालको विकासमा जापान सरकारको साथ सधैँ निरन्तर रहने बताए। राजधानीलाई पूर्वी तराईसँग जोड्ने १ सय ६० किलोमिटर लामो बिपी राजमार्ग जापानले १९९६ मा निर्माण सुरु गरेर २०१५ मार्चमा सम्पन्न गरी नेपाललाई हस्तान्तरण गरेको थियो।
हस्तान्तरण गरेको दुई महिना नबित्दै २०७२ वैशाख १२ गते गएका भूकम्पका कारण पाँच ठाउँमा क्षति पुगेको थियो। भूकम्पपछिको पुनर्निर्माण पनि जापानले नै जिम्मा लिएको थियो।
बिपी राजमार्गको पुनर्निर्माण सन् २०१९ जुलाई ३ मा जापानी निर्माण कम्पनी हाज्माअन्दो करपोरेसनले सुरु गरेको थियो। करिब १८ महिनामा निर्माण सम्पन्न गरेर बिहीबार सरकारलाई हस्तान्तरण गरेको हो।
पुनर्निर्माणमा गिट्टी, बालुवाबाहेक अधिकांश निर्माण सामग्री र प्रविधि जापानबाट नै ल्याइएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
