काठमाडौं– नेपाली ब्याडमिन्टनका उदयीमान खेलाडी प्रिन्स दाहाललाई जेष्ट ब्याडमिन्टन एकेडेमीले सम्मान गरेको छ। बसुन्धारास्थित एकेडेमीको आफ्नै हलमा जस्ट ब्याडमिन्टन एकेडेमीले सम्मान गरेको हो।
कार्यक्रममा राष्ट्रिय खेलकुद परिषद्का सदस्य सचिव रमेशकुमार सिलवाल र एकेडेमीका अध्यक्ष मधुसुदन पाठकले प्रिन्सलाई कदर पत्र प्रदान गर्दै सम्मान गरेका हुन्। कलिलो उमेरदेखि ब्याडमिन्टन ¥याकेट समाती विभिन्न बाधा अवरोधलाई झेल्दै विश्व ब्याडमिन्टन महासंघको यु–१९ बरियतामा तेस्रो नम्बरमा उक्लिन सफल प्रिन्सले नेपालको शीर उच्च बनाएको भन्दै सम्मान गरेको हो। त्यस्तै, कार्यक्रमकै बीच ब्याडमिन्टन खेल सामाग्री उत्पादक संस्था योनेक्सको आधिकारिक विक्रेता योनेक्स सनराईज नेपालको तर्फबाट राजु बास्तोलाले ब्याडमिन्टन र्याकेटसहित खेल सामाग्री प्रदान गरे।
राखेप सदस्यसचिव सिलवालले प्रिन्सको उपलब्धीले विश्व खेल जगतमा नेपालीहरुको सान उच्च भएको भन्दै आगामी दिनमा विश्व ब्याडमिन्टनको वरियतामा १ नम्बरमा उक्लिन शुभकामना दिए। सदस्यसचिव सिलवालले विभिन्न बरियताका प्रतियोगिताहरुमा सहभागिताका लागि परिषद्बाट सक्दो सहयोग गर्ने पनि प्रतिबद्धता दिए।
त्यस्तै नेपाल ब्याडमिन्टन संघका अध्यक्ष रामजी बहादुर श्रेष्ठले नेपालका उदयीमान खेलाडीलाई प्रिन्सलाई प्रतियोगिता खेल्न संघले सक्दो सहयोग गर्ने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
