फाइल तस्बिर
काठमाडौं- सरकारले काँकडभिट्टास्थित सुख्खा बन्दरगाह सञ्चालनको जिम्मा निजी क्षेत्रलाई दिएको छ। प्रतिस्पर्धाका आधारमा छनौट गरी निजी क्षेत्रको कम्पनी ट्रान्सनेपाल फ्रेट सर्भिस प्रालि नामक कम्पनीलाई सञ्चालनको जिम्मा दिइएको हो।
सरकारले व्यापार सहजीकरणका लागि निर्माण गरिएका सुख्खा बन्दरगाह तथा एकिकृत जाँच चौकीहरुको सञ्चालन तथा व्यवस्थापनमा निजी क्षेत्रको टर्मिनल म्यानेजमेन्ट कम्पनीमार्फत् गराउने र सोको नियमनकारी निकायको रुपमा नेपाल इन्टरमोडल यातायात विकास समिति गठन भएको हो। समितिले पाँच वर्षका लागि ट्रान्सनेपाल कम्पनीलाई सो बन्दरगाह सञ्चालनको जिम्मा दिएको हो।
सरकारले कोलकता नाकाबाट सबैभन्दा नजिक रहेको र बंगालादेशसँगको व्यापार सहजीकरण गर्न भन्दै २०१० जुनमा काँकडभिट्टा सुख्खा बन्दरगाह निर्माण गरेको थियो। काँकडभिट्टा सुख्खा बन्दरगाह सञ्चालन तथा व्यवस्थापनका लागि नयाँ टर्मिनल म्यानेजमेन्ट कम्पनी छनौटका लागि गत साउन ३२ गते सूचना प्रकाशित गरेको थियो।
उक्त बोलपत्रमा ५ वटा कम्पनीले आवेदन दिएका थिए। प्राविधिक तथा आर्थिक प्रस्तावको मूल्यांकनबाट ट्रान्सनेपाल छनौट भएको हो।
कम्पनी छनौट भएपछि बुधबार नेपाल इन्टरमोडल यातायात समितिका तर्फबाट कार्यकारी निर्देशक आशिष गजुरेल र कम्पनीका तर्फबाट मुकेशकुमार राठीले हस्ताक्षर गरेका हुन्।
उक्त सम्झौतामा पाँच वर्षको पट्टा वहाल रकम १३ करोड २३ लाख रुपैयाँ हुने उल्लेख गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1782224905-1782225890.jpeg)
-1764146706.png)
