काठमाडौं- वरिष्ठ अधिवक्ता शेरबहादुर केसीले प्रधानमन्त्री केपी शर्मा ओलीले रहरमा प्रतिनिधि सभा विघटन गरेको तर्क गरेका छन्। प्रतिनिधि सभा विघटनविरुद्ध सर्वोच्च अदालतमा परेको मुद्दामाथि बुधबार बहस गर्ने क्रममा केसीले कसैको रहरभन्दा पनि संविधान अनुसार अघि बढ्नुपर्ने बताए।
बुधबार सर्वोच्चमा १०औं दिनको सुनुवाइ जारी छ। यो मुद्दामा ३०० भन्दा बढी वकीलले वकालतनामा लेखाएका छन्।
उनले प्रधानमन्त्रीले अदालतलाई बुझाएको ११ पृष्ठ लामो लिखित जवाफमा कतैपनि वैधानिक आधार पेश नगरेको समेत उल्लेख गरे। प्रधानमन्त्रीले अविश्वासको प्रस्ताव आउँछ भन्ने कल्पना गरेर त्यसअघि नै प्रतिनिधि सभा विघटन गरेको वरिष्ठ अधिवक्ता केसीको दाबी छ।
‘समृद्ध नेपाल, सुखी नेपाली बाहेक मेरो कुनै सपना छैन भनेर लिखित जवाफमा भन्नू हुन्छ तर, जनताको निर्वाचित थलो विघटन गर्नु हुन्छ। अहिले प्रधानमन्त्रीलाई अन्तरनिहीत अधिकार छैन। अधिकार दिएको दाबी लिखित जवाफमा गर्नुभएको छ। तर, संविधानको कुन धाराले दियो उल्लेख गर्नुभएको छैन’, केसीले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764222536.png)
-1764221241.png)
-1764146706.png)
-1763721444.png)
-1763559424.jpg)
-1764080971.png)
