काठमाडौं- केही समयअघि अनामनगरमा पिठ्युँमा सर्टले बाँधेर सानो बच्चालाई बोकर रिक्सा चलाउँदै गरेका युवकको फोटो सामाजिक सञ्जालमा सार्वजनिक भएपछि उनी भाइरल बने। उक्त फोटो सार्वजनिक भएपछि युट्युबरले उनलाई पछ्याए। उनीसँग लिइएका भिडियो कुराकानी भाइरल बने। केही समय युट्यबदेखि सामाजिक सञ्जालमा उनी सर्वाधिक खोजिए।
यसरी भाइरल बनेका व्यक्ति थिए, कैलाली घोडाघोडी नगरपालिका–२ साँडेपानीका २४ वर्षीय छित्ता भन्ने अर्जुन विक। आफूसहित सानो बच्चा नै छाडेर श्रीमतीले आफ्नो सुर गरेको भन्दै उनले अन्तर्वार्ता पनि दिए।
उनका एकतर्फ कुराबाट अर्जुनले धरै सहानुभति पनि पाए। सँगै आर्थिक सहयोग पनि पाए। उनकै कथामा आधारित म्युजिक भिडियो बन्यो। उनले आफ्नै जीवनमा आधारिक म्युजिक भिडियोमा मुख्य भूमिकामा पनि काम गरे।
तर अहिले तिनै ‘भाइरल ब्वाई’ अर्जुन विक जिल्ला प्रहरी कार्यालय कैलालीको प्रहरी हिरासतमा पुगेका छन्। उनलाई काठमाडौं तीनकुनेबाट माघ ८ गते पक्राउ गरी कैलाली लगिएको हो।
अर्जुनलाई उनकै श्रीमती पक्षले अपहरण तथा बलात्कार कसुरमा जाहेरी दिएका थिए। कैलालीको भजनी-४ कि १३ वर्षीया एक किशोरीलाई विकले अपहरण गरी २०७३ जेठ ३० गते काठमाडौं लगेको पाइएको प्रहरीले जनाएको छ।
काठमाडौं-१० देवीनगरस्थित डेरा कोठामा राखी विकले डर, धाकधम्की दिई जबरजस्ती करणीसमेत गरेको भन्दै जाहेरी परेको थियो। यसरी ४ वर्षसम्म जबरजस्ती करणी गरी गत साउन १५ गते ती किशोरीलाई डेरा कोठामै राखी विक फरार भएको आरोप लागेको छ।
उनीविरुद्ध गत साउन ३० गते जिल्ला प्रहरी कार्यालयमा जाहेरी परेको थियो। बलात्कार र अपहरणको कसुरमा जिल्ला अदालत कैलालीबाट म्याद थप गरी अनुसन्धान सुरु गरिएको कैलाली प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
