काठमाडौं- आफूले बोल्दै नबोलेका विषयमा भ्रम फैलाइएको भन्दै लेखक तथा नागरिक अभियन्ता नारायण वाग्लेले खण्डन गरेका छन्। आफूले भन्दै नभनेको विषयमा दुष्प्रचार गरेर नागरिक आन्दोलनप्रति विकर्षण सिर्जना गरिएको उनको भनाइ छ।
सामाजिक सञ्जालमा प्रधानमन्त्री केपी शर्मा ओली मठमन्दिर धाउन थालेका विषयमा गरेको उनको टिप्पणीलाई बंग्याएर प्रचार–प्रसार भइरहेको छ। संविधानमा रहेको धर्मनिरपेक्षतालाई प्रधानमन्त्री ओलीले ख्याल गर्नुपर्ने वाग्लेको धारणा थियो।
तर, वाग्लेको भनाइ भन्दै सामाजिक सञ्जालमा प्रचार भइरहेको भ्रामक सन्देश यस्तो छ, ‘संविधानमा धर्म निरपेक्षता लेखिएको छ। त्यसैले मन्दिर बनाउने र पूजा गर्ने काम बन्द गर्नुपर्छ। धर्म निरपेक्षताका लागि मन्दिरहरु भत्कउनुपर्छ।’
आफ्ना नाममा गलत सन्देश प्रवाह गरेर धार्मिक सहिष्णुतालाई भड्काउन खोजिएको भन्दै खण्डन गरेको उनले बताएका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।