काठमाडौं- अर्थमन्त्री विष्णुप्रसाद पौडेलले व्यापार सहजीकरण र उपभोक्ताको संरक्षणसहित आर्थिक गतिविधि विस्तार हुनुपर्ने बताएका छन्। सहज व्यापार र विस्तारित आर्थिक क्रियाकलापले राजस्व संकलन बढाउने उल्लेख गरेका छन्।
विश्वर भन्सार दिवसको अवसरमा नेपाल चेम्बर अफ कमर्सले आयोजना गरेको कार्यक्रममा मन्त्री पौडेलले भन्सारका क्रियाकलापलाई प्रविधिमैत्री बनाइएको र यसले व्यापार सहजीकरणमा योगदान पुर्याउने बताए।
कार्यक्रममा अर्थ मन्त्रालयका सचिव शिशिरकुमार ढुंगानाले कोभिड-१९ को जोखिमका बिच राजस्व संकलनमा योगदान पुर्याएको भन्दै भविष्यमा पनि यस्तै योगदान रहने विश्वास व्यक्त गरे। उनले अर्थतन्त्र चलायमान भइरहेको भन्दै भविष्यमा आर्थिक गतिविधि बढ्दै जाने बताए।
नेपाल चेम्बर अफ कमर्सका अध्यक्ष राजेशकाजी श्रेष्ठले नेपालजस्ता कम विकसित मुलुकहरू कोभिड-१९ को चपेटामा धेरै परेको बताए। उनले यस्तो अवस्थामा निजी क्षेत्रको मनोबल बढाउने गरी सरकारले काम गर्नुपर्ने उल्लेख गरे।
चेम्बरले भन्सारका गतिविधि पारदर्शी बनाएको र व्यापार सहजीकरणमा उल्लेख्य योगदान पुर्याएको भन्दै भन्सार विभागका महानिर्देशक सुमन दाहाललाई सम्मान गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1777870461-1777874031.jpg)
-1764146706.png)
