काठमाडौं- मन्त्रिपरिषद् बैठकले विभिन्न आन्दोलनका क्रममा घाइते, सहिद र बेपत्ताहरूको परिचय पत्रको व्यवस्था गर्न कार्यदल गठन गर्ने निर्णय गरेको छ। परराष्ट्रमन्त्री प्रदीप ज्ञवालीको संयोजकत्वमा कार्यदल गठन भएको प्रधानमन्त्रीका प्रेस सल्लाहकार सूर्य थापाले जानकारी दिएका छन्।
कार्यदलमा अन्य मन्त्रीहरू सदस्य रहेको समेत थापाले उल्लेख गरेका छन्।
'मन्त्रिपरिषदकाे आजकाे बैठकले विगतका शान्तिपूर्ण र सशस्त्र आन्दोलन, जनसंघर्ष, विद्राेह र विभिन्न आन्दोलनमा जीवन उत्सर्ग गरी संघीय लाेकतान्त्रिक गणतन्त्र स्थापनामा महत्वपूर्ण याेगदान गर्ने सहिद परिवार, घाइते , बेपत्ता, अंगभंग भएका, लाेकतन्त्रका याेद्धाहरूकाे सम्मान एवं परिचयपत्रकाे व्यवस्था गर्न कार्यदल गठन गरेकाे छ,' थापाको फेसबुक स्टाटसमा लेखिएको छ, 'परराष्ट्रमन्त्री प्रदीप ज्ञवाली संयाेजक रहनुभएको उक्त कार्यदलमा अरू मन्त्रीहरू सदस्य रहनु भएकाे छ।'
परराष्ट्रमन्त्रीकाे संयाेजकत्वमा कार्यदल - मन्त्रिपरिषदकाे आजकाे बैठकले विगतका शान्तिपूर्ण र सशस्त्र आन्दोलन,...
Posted by Prime Minister's Press Advisor on Sunday, January 24, 2021
शनिबार मात्रै प्रधानमन्त्री केपी शर्मा ओलीले तत्कालीन नेकपा माओवादी नेतृत्वको जनमुक्ति सेनाका कमान्डरहरूसँग भेटघाट गरेका थिए। यसअघि गृहमन्त्री रामबहादुर थापा 'बादल'ले पनि उनीहरूलाई भेट गरेका थिए। बादलको पहलमा कमान्डरहरूले प्रधानमन्त्री ओलीसँग भेट गरेका हुन्।
पूर्व माओवादीका नेता तथा कार्यकर्ताहरूलाई आफ्नो पक्षमा पार्न नेकपा अध्यक्षसमेत रहेका ओलीले उनीहरूसँगको छलफल तथा उनीहरू केन्द्रित निर्णय गरेको विश्लेषण गर्न थालिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791358722.jpg)
-1786602170.png)
