काठमाडौं– म्यानचेस्टर सिटी एफए कप फुटबलको पाँचौ चरणमा प्रवेश गरेको छ। शनिबार राति भएको खेलमा चेल्टनहम टाउनलाई ३–१ गोलअन्तरले पराजित गर्दै सिटी पाँचौ चरणमा प्रवेश गरेको हो।
चेल्टनहमविरुद्ध सिटीका लागि फिल फोडेन, गाब्रियल जेसुस र फेरान टोरेसले गोल गरे। चेल्टनहमका एल्फी मेयले गोल गरेका थिए। पहिलो हाफसम्म गोलरहित बराबरी खेलेको सिटीले दोस्रो हाफमा पुनरागमन गर्दै जित निकालेको हो। खेलको ५९औं मिनेटमा एल्फी मेयले गोल गर्दै चेल्टनहमलाई १–० को अग्रता दिलाए। सिटीविरुद्ध आफ्नो अग्रता जोगाउन नसक्दा चेल्टनहमले बाँकी समयमा तीन गोल खान पुग्यो।
८१औं मिनेटमा फोडेनले गोल गर्दै सिटीलाई १–१ गोलको बराबरीमा पुर्याए। त्यसको तीन मिनेटपछि अर्थात ८४औं मिनेटमा जेसुसले गोल गर्दै सिटीलाई २–१ को अग्रता दिलाए। ९० औं मिनेटमा टोरेसले गोल गर्दै सिटीलाई ३–१ गोलको जित दिलाए।
त्यस्तै, अर्को खेलमा आर्सनल साउथह्याम्पटनसँग पराजित हुँदै एफए कपबाट बाहिरिएको छ। साउथह्याम्पटनले आर्सनललाई १–० गोलले पराजित गरेको हो। आर्सनल एफए कपबाट बाहिरिनुमा आफ्नै खेलाडी गाब्रियलको आत्मघाति गोल रह्यो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789992067.jpeg)
-1789631269.jpg)
