मस्को–जेलमा राखिएका विपक्षी नेता एलेक्सी नाभाल्नीका समर्थनमा रुसभर प्रदर्शन भएको छ। प्रदर्शनका क्रममा ३ हजारभन्दा बढी मानिसहरु पक्राउ परेका छन्।
राष्ट्रपति भ्लादिमिर पुटिनका आलोचक नाभाल्नी उपचारपछि स्वदेश फर्कनेबित्तिकै गत आइतबार पक्राउ परेका थिए। गिरफ्तारीपछि नाभाल्नीले आफ्ना लागि नभई देशको भविष्यका लागि सडकमा उत्रन समर्थकलाई आव्हान गरेका थिए। सोहीअनुसार सुरक्षाकर्मीहरुको व्यापक तैनाथीबीच दशौं हजारले प्रदर्शन गरेका हुन्।
प्रहरीले प्रदर्शनपूर्व कैयौं नाभाल्नीसमर्थकहरुलाई पक्राउ गरेको थियो, जसमा उनका प्रवक्ता र वकिल पनि छन्।
नाभाल्नी भ्रष्टाचारविरोधी अभियन्ता हुन्। उनी राष्ट्रपति पुटिनका कट्टर आलोचक मानिन्छन्। उनी सन् २०१८ मा राष्ट्रपतिमा उठ्ने प्रयास गरेका थिए। तर उनलाई विभिन्न आरोप लगाएर रोकिएको थियो। एक ब्लगरका रुपमा उनका सामाजिक सञ्जालमा लाखौं फलोअर्स छन्। रुसी सरकारले पनि उनी राजनीतिज्ञ नभई एक ब्लगरमात्र भएको बताउँदै आएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790151426.jpg)
-1786602170.png)
-1789631269.jpg)
