काठमाडौं- प्रधानमन्त्री एवं नेकपा अध्यक्ष केपी शर्मा ओलीले आफूपक्षीय नेकपाले माघ २३ गते विशाल प्रदर्शन गर्ने बताएका छन्। बिहीबार दिउँसो पुष्पकमल दाहाल-माधवकुमार नेपाल पक्षले आयोजना गरेको विरोध प्रदर्शनसभाप्रति लक्षित गर्दै उनले यस्तो बताएका हुन्।
नेपाल कम्युनिस्ट पार्टी (नेकपा ओली समूह) पेशागत विशेष जिल्ला कमिटीले आयोजना गरेको कार्यकर्ता भेलामा ओलीले यस्तो बताएका हुन्।
'आमसभा कस्तो हुन्छ भन्ने कुरा २३ गते काठमाडौँमा हेर्नुहोला। म उहाँहरूलाई भन्न चाहन्छ। आमसभा कस्तो हुन्छ र केलाई आम सभा भन्छन्, जनपरिचालन केलाई भन्छन् भन्ने करा २३ गते हेर्नुहोला,' उनले भने, 'हामी २३ गते अलिकति झलक दिन्छौँ। कास्टिङ दिन्छौँ। साँच्चैको जनसभा त्यसपछि आउँछ। जनप्रदर्शन त्यसपछि आउँछ। यसबीचमा हामी अलिकति व्यस्त भयौँ नत्र आजको भोलि नै देखाइदिने थियौँ आमसभा कस्तो हुन्छ जनसभा कस्तो हुन्छ भनेर।'
बिहीबार भएको सभालाई सम्बोधन गर्दै माधवकुमार नेपालले आफूहरूको प्रदर्शन कास्टिङमात्र भएको बताएका थिए। त्यसको प्रत्युत्तर दिँदै ओलीले प्रतिवाद गरेका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791545631.png)
-1786602170.png)
