काठमाडौं- नेपाल धितोपत्र बोर्डले नागरिक स्टक डिलर कम्पनी लिमिटेडलाई धितोपत्र व्यापारीको काम संचालन गर्न अनुमति दिएको छ।
नागरिक लगानी कोषको सहायक कम्पनीका रूपमा रहेको नागरिक स्टक डिलर कम्पनीलाई धितोपत्र व्यवसायी (धितोपत्र दलाल तथा धितोपत्र व्यापारी) नियमावली, २०६४ मा भएको व्यवस्थाअनुसार बोर्डले धितोपत्र व्यापारीको कार्य संचालन गर्न अनुमतिपत्र दिएको हो।
धितोपत्र बजारमा अस्वाभाविक उतारचढाव आई बजार असन्तुलन देखिएका बेला सन्तुलन कायम गर्नका लागि भूमिका खेल्ने उद्देश्यले स्टक डिलरको परिकल्पना गरिएको हो।
त्यस्तै, तरलता नियन्त्रणका लागि पनि स्टक डिलरले भूमिका खेल्दछ। नेपालको पुँजी बजारमा संस्थागत लगानीकर्ताको प्रवेशलाई बढावा दिन र त्यसका लागि संस्थागत लगानीकर्ताको रूपमा काम गर्न पाउने अधिकार स्टक डिलरलाई दिइएको छ।
गत वर्ष फागुन ११ गते देखि लागू भएको संशोधित धितोपत्र व्यवसायी (धितोपत्र दलाल तथा धितोपत्र व्यापारी) नियमावली, २०६४ पूँजी बजारमा संस्थागत लगानीकर्ताको प्रवेशलाई प्रोत्साहन गर्न विशेष ऐनद्वारा स्थापित वित्तीय संस्थाले धितोपत्र बोर्डबाट अनुमति लिएर धितोपत्र व्यापारीको कार्य सक्ने व्यवस्था राखिएको थियो।
चालु आर्थिक वर्षको बजेट वक्तव्यमा पनि पूँजी बजारमा संस्थागत लगानी अभिवृद्धि गर्न स्टक डिलरको कार्य सञ्चालनमा ल्याउने व्यवस्था उल्लेख भएको थियो।
पूँजी बजारमा अहिले संस्थागत लगानीकर्ताको न्यून उपस्थिति रहेको स-साना लगानीकर्ताको बाहुल्यता रहेको अवस्थामा अस्थिरता देखिने र बजारमा तरलताको अवस्थामा पनि विचलन आउने सम्भावना रहन्छ। त्यस्तो अवस्थामा बजारलाई सन्तुलित बनाउन ठूलो मात्रामा धितोपत्रहरूको खरिद-बिक्री स्टक डिलरमार्फत् हुनेछ।
अधिकृत पुँजी १० अर्ब रुपैयाँ र जारी पुँजी ५ अर्ब रुपैयाँ बराबर रहेको नागरिक स्टक डिलर कम्पनी ऐन, २०६३ बमोजिम मिति २०७६ माघ २९ गते स्थापना भएको पब्लिक लिमिटेड कम्पनी हो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
