काठमाडौं- अस्ट्रेलियामा जारी बिग बास क्रिकेटमा पर्थ स्कोरचर्सले सन्दीप लामिछाने आबद्ध टिम होबर्ट हुरिकेन्सलाई १८० रनको लक्ष्य दिएको छ। जहाँ सन्दीपले दुई विकेट लिएका छन्।
टस जितेर पहिले ब्याटिङ गर्ने निर्णय गरेको स्कोरचर्सले निर्धारित २० ओभरमा आठ विकेटको क्षतिमा १७९ रन बनायो। स्कोरचर्सलाई जोश इङलिसले ५८ रन बनाए। रिचार्डसनले २९, लियाम लिभिङ्सटनले २६, जासन रोयले २० र कस्तान एस्टन टुर्नरले १५ रन बनाए।
बलिङतर्फ नाथन इलिसले चार ओभरमा ३४ रन खर्चिएर चार विकेट लिए। त्यस्तै, सन्दीप लामिछानेले महत्वपूर्ण दुई विकेट लिएका थिए। उनले चार ओभरमा २७ रन खर्चिएर दुई विकेट लिएका हुन्। लियामलाई डेविड मलानबाट क्याच आउट गराएका सन्दीपले मिचेल मार्सलाई सात रनमा एलबिडब्लु आउट गराएपछि स्कोरचर्स दबाबमा आएको थियो। तर जोश इङलिसको उत्कृष्ट ब्याटिङमा हुरिकेन्सले ठूलो लक्ष्य पाएको हो।
पाँच खेलपछि मात्रै बिग बास खेल्न उपलब्ध भएका सन्दीपले जारी सिजनमा ६ खेलबाट ६ विकेट लिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788835940.webp)
-1786602170.png)
-1786513116.png)
-1788425345.png)
