काठमाडौं-भारत सरकारले अनुदान सहयोगस्वरुप उपलब्ध गराएको १० लाख डोज कोभिसिल्ड खोप आज नेपाल ल्याइँदैछ। खोप एयर इन्डियाको उडानमार्फत् बिहान पौने ११ बजे काठमाडौं ल्याइपुर्याइँदैछ। मुम्बईबाट दिल्ली ल्याइएको खोप त्यहाँबाट नेपाल ल्याउन लागिएको स्रोतले जानकारी दिएको छ।
भारतले पहिलो चरणमा कोभिसिल्ड खोप उपलब्ध गराउन लागेको हो।
कोभिड-१९ विरुद्दको खोप उत्पादक कम्पनी सिरम इन्स्टिच्युटले एलर्जीको समस्या भएका, रोग प्रतिरोधात्मक क्षमता कम भएका, गर्भवती, ज्वरो आएका तथा रगत पातलो बनाउने औषधि सेवन गरिरहेका व्यक्तिलाई खोप नलगाउन सुझाव दिएको छ।
इन्स्टिच्युटद्वारा जारी फ्याक्ट सीटमा कोभिसिल्डको पहिलो डोज लगाएपछि कुनै गम्भीर एलर्जी वा अन्य स्वास्थ्य समस्या देखिए ती व्यक्तिलाई दोस्रो डोज नलिनसमेत सूचित गराएको छ।
कम्पनीको वेबसाइटमा जारी फ्याक्ट सीटमा भनिएको छ, ‘यदि तपाईंलाई कुनै किसिमको औषधि, खाद्य पदार्थ, कुनै खोप वा कोभिसिल्डमा समावेश गरिएका सामग्रीबाट गम्भीर एलर्जी भएको छ। ज्वरो, रगतसम्बन्धी रोग, रगत पातलो बनाउने औषधि सेवन गरिरहको भए वा रोग प्रतिरक्षा शक्ति कमजोर भएको वा औषधि लिइइरहनुभएको छ भने खोप नगाउनुहोला।’
साथै, गर्भधारणको योजना बनाइरहेका, गर्भवती र स्तनपान गराइरहेका महिलालाई खोप नलगाउन सुझाव दिइएको छ। कोभिड(१९ का अन्य खोप लगाइरहेका व्यक्तिलाई पनि कोभिसिल्ड नलगाउन सीरम इन्स्टिच्युटले अनुरोध गरेको छ।
खोप लगाउनुअघि आफ्नो स्वास्थ्यस्थितिबारे चिकित्सकसँग सल्लाह लिन सुभाव दिइएको छ।
यसअघि, कोभ्याक्सिन खोपको निर्माता कम्पनी भारत बायोटेकले कसले खोप नलगाउने भन्ने बारे यस्तो खालको सूचना जारी गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790691190.jpg)
-1786602170.png)
