वासिंटन डिसी- अमेरिकी राष्ट्रपति र उपराष्ट्रपतिमा निर्वाचितहरूको सपथ ग्रहण कार्यक्रम सुरक्षा सावधानीका साथ कम मानिसको उपस्थितिमा सम्पन्न हुने भएको छ।
कोभिड संक्रमणलाई मध्यनजर गर्दै कम मानिसको उपस्थितिमा सपथ ग्रहण कार्यक्रम सम्पन्न गर्न लागिएको अमेरिकी राष्ट्रपतिको कार्यालय ह्वाइट हाउसले जानकारी दिएको छ।
राष्ट्रपतिमा निर्वाचित जो बाइडेन र उपराष्ट्रपतिमा निर्वाचित कमला ह्यारिसले स्थानीय समयानुसार करिब १२ बजे सपथ ग्रहण गर्ने कार्यक्रम छ। यो नेपाली समय अनुसार बुधबार राती पौने ११ बजे हो। उनीहरूहरूलाई अमेरिकी सर्वोच्च अदालतका प्रधानन्यायाधीश जोन रोबर्ट्सले सपथ खुवाउनेछन्।
जनवरी ६ मा अमेरिकी क्यापिटलमा राष्ट्रपति डोनाल्ड ट्रम्पका कार्यकर्ताले गरेको हिंसात्मक झडपलाई दृष्टिगत गरी सुरक्षा व्यवस्था कडा पारिएको छ।
सपथ ग्रहण समारोहमा राष्ट्रपति ट्रम्पले आफू सहभागी नहुने बताइसकेका छन्। ट्रम्पले आफ्नो कार्यकालको अन्तिम दिन बुधबार ७३ जनाको सजाय माफ गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1695028561.jpg)
-1786602170.png)
