काठमाडौं– नेपाल प्रहरीमा रिक्त १५ एसपीको दरबन्दीमा बढुवाको तयारी थालिएको छ। चुनाव हुने अवस्था रहेमा निर्वाचन आचार संहिताका कारण बढुवा प्रक्रिया रोकिन सक्ने भएकाले कम्तीमा माघको दोस्रो सातासम्म बढुवा गरिसक्ने गरी तयारी सुरु गरिएको प्रहरी मुख्यालयले जनाएको छ।
केही दिनअघि मात्रै ११ एसपी एसएसपीमा बढुवा भएसँगै १५ एसपीको दरबन्दी खाली थियो। त्यसअघि नै ४ एसपीको पद रिक्त थियो । गृह मन्त्रालयले बढुवाको तयारी सुरु गरेसँगै १५ पदका लागि ३४ डिएसपीबीच प्रतिस्पर्धा चलेको छ ।
बढुवाको पहिलो नम्बरमा डिएसपी भुवनेश्वर तिवारी छन्। त्यस्तै सुरेशप्रसाद काफ्ले, सुवासचन्द्र बोहरा, श्यामसिंह चौधरी, अमरेन्द्रबहादुर सिंह, दिलिप घिमिरे, वीरेन्द्र शाही, अर्जुनप्रसाद तिमल्सिना, सरोज पौडेल, प्रजित केसी, चक्रराज जोशी, योगेन्द्रसिंह थापा, सुमन कुमार तिमिल्सिनालगायत प्रतिस्पर्धामा छन् ।
२०५८ मा प्रहरी निरीक्षक भएकाहरु बीच अहिले एसपी बढुवाका लागि प्रतिस्पर्धा चलेको छ । त्यसबेला ८४ जना प्रहरी निरीक्षकमा भर्ना भएका थिए। जसमध्ये ७६ जना अहिले सेवामै छन्। ४२ जना यसअघि नै एसपी भइसकेका छन्। अहिले एसपी बढुवाको प्रतिस्पर्धामा रहेका ३४ डिएसपीहरु २०६९ फागुन र २०७० साउनमा गरेर दुई लटमा डिएसपी भएका थिए ।
एसपी बढुवाका लागि प्रहरी महानिरीक्षक अध्यक्ष, गृहमन्त्रालयका सहसचिव सदस्य र आइजीले तोकेको एक जना एआइजी वा डिआइजी सदस्य सचिव रहेको एक समिति हुने व्यवस्था छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791715295.png)
-1786602170.png)
