नयाँ दिल्ली- भारतमा शनिबारदेखि कोरोना भाइरसविरूद्धको भ्याक्सिन लगाउन सुरु गरिएको छ। १६ जनवरी २०२१ देखि विश्वको धेरै जनसंख्यालाई भ्याक्सिन पुर्याउने लक्ष्यसहित सुरु गरिएको जनाइएको छ।
कोरोना संक्रमणको पहिलो केस केरलाको त्रिसुरमा ३० जनवरी २०२० मा फेला परेको थियो। यसको भोलिपल्ट ३१ जनवरीमा विश्व स्वास्थ्य संगठनले कोरोना भाइरसको संक्रमणलाई मध्यनजर गर्दै अन्तर्राष्ट्रिय आपतकाल घोषणा गरेको थियो।
भारतमा अहिले १ करोड ५२ लाख व्यक्तिमा संक्रमण पुष्टि भएको छ भने १ लाख ५१ हजार ९ सय १८ जनाले ज्यान गुमाएको जोन हप्किन्स विश्वविद्यालयको तथ्यांकमा उल्लेख छ। संक्रमणको अवस्था अहिले केही ओरालो लागेको छ।
इन्डियन काउन्सिल अफ मेडिकल रिसर्च (आईसीएमआर)का पूर्वनिर्देशक वैज्ञानिक एके गागुलीले यो महत्वपूर्ण लडाइँ भएको बताए। ‘यो लामो समयसम्म चल्ने लडाइँ हो। साथै भारतको आर्थिक अवस्था सुधारका लागि यो जरुरी पनि थियो‚’ गागुलेले भने‚ ‘यो पहिलो चरण हो‚ यसमा सफल भएमा मानिसहरुलाई भ्याक्सिन छान्ने विकल्प पनि दिन सकिन्छ र कोरोनासँगको लडाइँ अझ मजवुत हुनेछ।’
चीनको वुहान शहरबाट फैलिन सुरू भएको कोरोना भाइरस सन् २०२० को फेब्रुअरीसम्ममा विश्वभरी फैलिएको थियो। उक्त समय दुनियाभरका देशले चीनबाट आफ्ना नागरिक स्वदेश फिर्ता लगेका थिए। ११ मार्चमा विश्व स्वास्थ्य संगठनले महामारीको घोषणा गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791545631.png)
-1786602170.png)
