काठमाडौँ- नेकपा प्रचण्ड-नेपाल पक्षको बैठकले संसद विघटन विरुद्धको आन्दोलनलाई थप प्रभावकारी बनाउने निर्णय गरेको छ। बिहीबार र शुक्रबार स्थायी कमिटी बैठकपछि निर्णय सुनाउँदै स्थायी कमिटी सदस्य भीमबहादुर रावलले काठमाडौं उपत्यकासहित देशभर आमसभा गर्ने निर्णय गरेको छ।
बैठकले माघ १६ गते काठमाडौमा उपत्यका स्तरको आमसभा गर्ने निर्णय भएको छ। यस्तै अरु विरोधका कार्यक्रम यसअघि निर्धारण गरिएकाले थप प्रभावकारी बनाउन आन्दोलन परिचालन कमिटीलाई निर्देशन दिएको छ।
पार्टीमा रिक्त रहेका कार्यकारी पदको टुंगो तत्काल लगाउने भएको छ। प्रधानमन्त्री केपी शर्मा ओलीले पछिल्लो पटक भारतीय सञ्चार माध्यममा दिएको अन्तर्वार्ता र भारतीय मिडियामा आएको सगरमाथाबारे आएका समाचारबारे पनि निन्दा गरेको छ।
‘नेपाल विरोध अभियान चलाउँदै आएको जी न्यूज सुधीर चौधरीसँग सरकारी निवास बालुवाटारमा केपी ओलीले अन्तर्वार्ता दिनुका साथै निजलाई सगरमाथाको कालापत्थर लग्ने प्रबन्ध गरेको छ,’ निर्णय सुनाउँदै रावलले भने, ‘निजले सगरमाथाको नाम पविर्तन गर्नुका साथै त्यसमा भारतले दाबी गर्नु पर्ने जस्तो हास्यास्पद अभिव्यक्ति दिएकोमा बैठक भ्रत्सना गर्दछ। यस्तो संविधान विपरित कार्य नगर्नेलाई रहस्यमय मौनताको बैठकले निन्दा गर्दछ।’
नेपालको कृषि क्षेत्रमा विदेशी लगानी भित्रयाउने कार्यको बैठकले विरोध गरेको छ। संविधान विरोधी गतिविधि बढाउँदै सरकारी साधन र स्रोतको निर्लज्ज रुपमा गुटगत स्वार्थमा भइरहेको दुरुपयोग गरी प्रशासन र सुरक्षा निकायको अनावश्यक सरुवा गरेको भन्दै बैठकले निन्दा गरेको छ। यस्तै सरकारी सञ्चार माध्यमलाई स्वतन्त्र निष्पक्षढंगले काम गर्ने वातावरण बनाउन आग्रह गरिएको रावलले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788841501-1788847918.jpeg)
-1786602170.png)
-1786513116.png)
-1788425345.png)
