काठमाडौं- उदयपुर सिमेन्ट उद्योगको महाप्रबन्धकमा नियुक्त भएका गोपीकृष्ण न्यौपानेले कार्यभार सम्हालेका छन्। महाप्रबन्धक न्यौपानेले उद्योगको कार्यालयमा बिहीबार पदभार ग्रहण गरेका हुन्। मन्त्रिपरिषद्को सोमबार बसेको बैंठकले न्यौपानेलाई उदयपुर सिमेन्टको महाप्रबन्धमा नियुक्त गरेको थियो।
पदभार ग्रहण गर्दै न्यौपानेले कच्चापदार्थ, प्याकिङ मेटेरियल्स, मर्मतसम्भारलगायतका कुराहरुमा ध्यान दिई पूर्ण क्षमतामा उद्योग संचालन गर्नेमा आफ्नो जोड हुने बताए।
यस्तै उद्योगको थप क्षमता वृद्धिको लागि अध्ययन गराउने, बजार व्यवस्थापन र ब्रान्डिङमा पनि प्राथमिकताका साथ काम गरिने उनको भनाइ थियो।
वातावरण प्रदूषण कम गर्ने उपायको समेत खोजी गर्ने उनले बताएका थिए। उद्योगका कामदार/कर्मचारीहरुलाई उत्प्रेणात्मक सीप अभिवृद्धि तालिम संचालन गर्ने, प्रविधिमैत्री जनशक्ति तयार गर्नेलगायतका कामहरू गर्ने योजना रहेको उनले सुनाएका थिए।
उदयपुर सिमेन्टका तत्कालीन महाप्रबन्धक सुरेन्द्रकुमार पौडेल नेपाल आयल निगमको प्रबन्ध निर्देशक भएसँगै सो पद रिक्त थियो। पौडेल २०७५ पुस २४ गते निगमको प्रबन्ध निर्देशक भएका थिए।
त्यसयता उद्योग वाणिज्य तथा आपूर्ति मन्त्रालयले उद्योग सचिव चन्द्रकुमार घिमिरेको नेतृत्वमा एक कमिटी गठन गर्दै सो पदमा पदपूर्तिका लागि आवेदन माग गरेको थियो। उक्त कमिटीले महाप्रबन्धक नियुक्तिका लागि मन्त्रिपरिषदमा सिफारिस गरेको थियो।
सोही आधारमा सोमबार बसेको मन्त्रिपरिषद बैठकले न्यौपानेलाई महाप्रबन्धक नियुक्त गरेको थियो।
न्यौपानेलाई ४ वर्षका लागि नियुक्त भएका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775612045.png)
-1764146706.png)
-1775575666.png)
