काठमाडौं- प्रतिनिधि सभा विघटनको विरोधमा नेपाली कांग्रेसको भातृ संगठन नेविसंघले कालो कपडा लगाएर विरोध प्रदर्शन गरेको छ। प्रतिनिधि सभा विघटन अलोकतान्त्रिक र असंवैधानिक भएको भन्दै काठमाडौं माइतीघरमा नेविसंघले विरोध प्रदर्शन गरेको हुन्।
प्रदर्शनमा सहभागी विद्यार्थीहरुले मुखमा कालो मास्क, निधारमा कालो फिता र त्यसमा नारा लेखेर प्रदर्शन गरेका थिए भने शरीरमा नारा लेखिएको कालो कपडा लगाएका थिए। युवा विद्यार्थीले ‘भ्रष्टाचारी केपी ओली मुर्दावाद', 'खोक्रो राष्ट्रवाद बन्द गर', 'असंवैधानिक कदम खारेज गर', 'विद्यार्थीको एउटै स्वर सरकार भित्र चोरै–चोर’ जस्ता नारा लेखिएका प्लेकार्ड प्रदर्शन गरेका थिए।
कालो कपडाले शरीर बेरेर संघका नेताहरू दीपक ओझा, सुदिप बनाडी, दिल सैनाई, सुनील पराजुली,आदित्य काफ्ले सडकमा सुतेर विरोध जनाएका थिए।
विरोध सभालाई सम्बोधन गर्दै नेविसंघ महामन्त्री बलदेव तिमल्सिनाले केपी ओलीले व्याप्त भ्रष्टाचार लसी लुकाउन र खुलेआम भ्रष्टाचार गर्न संविधान विपरीत प्रधानमन्त्रीले संसद् विघटन गरेको भन्दै अहिलेको कदम अधिनायकवाद र प्रतिगामी भएकोले विरोधका कार्यक्रमलाई निरन्तरता दिने जनाएका छन्।
विरोध सभामा संघका महामन्त्री युवराज पाण्डे, पूर्व केन्द्रीय सदस्यहरु सुशील भट्ट, रत्नहरी ढुंगेल, नेताहरू विपिन अधिकारीलगायतले बोलेका थिए। नेविसंघले शुक्रबार देशभर दौड जुलुस गर्दैछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789383080.png)
