फाइल तस्बिर
काठमाडौं– प्रधानमन्त्री एवं नेकपाका अध्यक्ष केपी शर्मा ओलीले आफू निकट स्थायी कमिटी सदस्यहरुसँग छलफल गर्दै निर्वाचनमा केन्द्रित हुन निर्देशन दिएका छन्। उनले पार्टी आधिकारिता र चुनाव चिह्न आफ्नै पक्षमा हुने भन्दै ढुक्क हुन आश्वासनसमेत दिएका छन्।
निर्वाचनमा आयोगमा पार्टीका विषयमा चलिरहेको प्रक्रिया र त्यसमा पार्टीका तर्फबाट दिइएको जवाफका विषयमा सबैलाई जानकारी गराइएको थियो।
प्रधानमन्त्री निवास बालुवाटारमा भएको छलफलमा प्रतिनिधि सभा पुनःस्थापना नहुने बताउँदै तोकिएको समयमै निर्वाचन हुने बताएका छन्।
निर्वाचनका लागि चाहिने आवश्यक तयारीका विषयमा पनि छलफल भएको नेकपा ओली पक्षका स्थायी कमिटी सदस्य सुवास नेम्वाङले बताए। उनले भने, ‘अहिले भइरहेका पार्टीका गतिविधि, अदालत र निर्वाचन आयोगमा भइरहेका विषयमा अपडेट गराउनुभयो। चुनाव तोकिएको समयमै हुन्छ र गराउनुपर्छ। तयारीमा लाग्नुपर्छ भन्नुभयो।’
आफूनिकट नेताहरुलाई वडातहसम्म पुग्ने गरी अभियान सञ्चालन गर्न पनि प्रधानमन्त्री ओलीले निर्देशन दिएका छन्।
नेकपाकै प्रचण्ड-माधव समूहको पनि स्थायी कमिटी बैठक बसिरहेको छ। प्रतिनिधि सभा विघटन पछि आन्दोलनमा होमिएको यो पक्षले आन्दोलनको समीक्षा गर्ने र प्रधानमन्त्री ओलीलाई थप कारबाही गर्न सक्ने संकेत नेता माधवकुमार नेपालले सार्वजनिक कार्यक्रममा नै बताएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
