काठमाडौं- लामो समयसम्म नयाँ फिल्मले प्रवेश नपाएको नेपाली सिनेमा हलमा बिहिबारदेखि यस्तो एउटा प्रेम कहानी लागेको छ।
अभिनेता शिव श्रेष्ठको प्रस्तुती रहेको फिल्म नेपालभरका हलहरुमा प्रदर्शन हुने भएको हो।
नेपाल सरकारले हल खोल्ने अनुमती दिएसँगै करिब १० महिनासम्म शुन्य भएका हलहरुमा चहलपहल सुरु हुने हलवालाको विश्वास छ।
यही फिल्मबाट संयक दर्शनधारीसँगै करिश्मा मानन्धरकी छोरी कविता मानन्धर र शिव श्रेष्ठका छोरा शक्ति श्रेष्ठले पनि फिल्मी दुनियामा डेब्यु गर्दैछन्।
दीपेश सापकोटाले निर्देशन गरेको फिल्ममा प्रस्तुतकर्ता शिव श्रेष्ठ छन्। सामाजिक सञ्जालमा पोष्टर राख्दै प्रदर्शन मिति घोषणा गरिएको फिल्मलाई विके फिल्मस् र एफडी कम्पनीले वितरणको जिम्मा लिएका छन्।
द्वन्द्वात्मक प्रेमकथा रहेको फिल्ममा शिव श्रेष्ठ र प्रियंका कार्कीसँगै आयुष्मान देशराज जोशी, वर्षा राउत, संजोग कोइराला, बसुन्धारा भुषाल, मिथिला शर्मा लगायतको अभिनय देख्न सकिन्छ।
फिस्टेल मुभिजको ब्यानरमा बनेको फिल्मलाई यशोदा राई र दिनेश दर्शनधारीले निर्माण गरेका हुन्।
अन्य समयमा हरेक शुक्रबार नयाँ फिल्म प्रदर्शन हुने भएपनि यो पटक माघे संक्रान्तीको छेको पारेर फिल्म प्रदर्शन गर्न लागिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
