काठमाडौं- शे–फोक्सुन्डो राष्ट्रिय निकुञ्जमा सिकार खेल्ने एकजना हतियारसहित पक्राउ परेका छन्। नेपाली सेना र निकुञ्जका कर्मचारीसहितको संयुक्त गस्ती टोलीले सिकार खेल्ने एक जनालाई हतियारसहित पक्राउ गरेको हो।
निकुञ्ज क्षेत्रको त्रिपुरासुन्दरी नगरपालिका–११ स्थित निगालीगौराबाट सोही नगरपालिका–६ का ५३ वर्षीय लक्ष्मीचन्द्र शाहीलाई पक्राउ गरिएको नेपाली सेनाले जनाएको छ।
उनको साथबाट भरुवा बन्दुक १ थान, त्यसमा लाग्ने गोली १९ थान, छर्रा १ थान, केप १ थान, बारुद १ डब्बा बरामद गरिएको सेनाले जनाएको छ। त्यस्तै सिकार गरिएको जनावरको मासु तथा सिकारको लागि चाहिने अन्य बन्दोबस्तीका सामान समेत बरामद भएको सेनाले जनाएको छ।
शाहीलाई कारबाहीका लागि निकुञ्ज कार्यालयमा बुझाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
