काठमाडौं- काम चलाउ प्रधानमन्त्री केपी शर्मा ओलीले कार्यकर्ता सम्बोधन गर्न धनगढी पुगेर भाषण गरेको क्षेत्रमा निर्मला पन्तको बलात्कार र हत्या गर्ने दोषी खै भनेर प्रश्न सोधेका युवाहरुलाई पक्राउ गरेपछि त्यसको विरोधमा सामाजिक सञ्जालमा सरकारको आलोचना भएको छ।
सामाजिक सञ्जाल प्रयोगकर्ताहरुले कञ्चनपुरकी वालिका पन्तको हत्यारा यति लामो समयसम्म पक्राउ गर्न नसकेको सरकारले प्रश्न सोध्ने भनी युवा पक्राउ गरेकोप्रति आक्रोश पोखेका छन्।
प्रहरीले प्रधानमन्त्रीको कार्यक्रममा संलग्न भएका यस्तो टिसर्ट लगाएका ७ जना युवा पक्राउ गरेको थियो। यसरी प्रश्न गर्नेमा प्रमुख प्रतिपक्ष नेपाली कांग्रेसका प्रवक्ता विश्वप्रकाश शर्माले पनि प्रश्न उठाएका छन्। सामाजिक सञ्जालमा लेख्दै सञ्जीव उप्रेतीले पनि प्रश्न उठाएका छन्।
उनले यससम्बन्धी ट्वीट पनि रिट्वीट गरेका छन्। अहिले ‘निर्मला पन्तको हत्यारा खै’ भन्ने ट्रेन्ड नै ट्विटरमा सुरु भएको छ।
कञ्चनपुरकी १३ वर्षीया किशोरी निर्मला पन्तको बलात्कार र हत्या प्रकरणको अनुसन्धान महिनौंसम्म अलपत्र रहेको छ। २०७५ साउन ११ मा कञ्चनपुरको भीमदत्त नगरपालिका–१८ निम्बुखेडास्थित उखुबारीमा निर्मला पन्तको शव बलात्कारपछि हत्या गरेको अवस्थामा फेला परेको थियो। यसरी हत्यामा महिनौँसम्म आन्दोलन हुँदा पनि सरकारले दोषी पक्राउ गर्न सकेको छैन।
दुई वर्ष बित्दासमेत अभियुक्त पक्राउ पर्न नसकेको अवस्थामा सरकारले प्रश्न सोध्नेहरुलाई पक्राउ गरेपछि फेरि एक पटक सरकारको आलोचना सुरु भएको छ। सामाजिक सञ्जालमा उपप्रधानमन्त्री ईश्वर पोखरेलले पक्राउ परिसकेको भनी दिएको अभिव्यक्ति पनि सार्वजनिक गर्दै प्रश्न सोधेका छन्। उनले रक्षामन्त्री हुँदा निर्मला पन्तको हत्यारा पक्राउ परिसकेको अभिव्यक्ति दिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
