एजेन्सी–बेलायतमा पहिलो पटक देखा परेको कोरोना भाइरसको नयाँ प्रकार युरोपभर फैलिन थालेको छ। बेलायत,फ्रान्सपछि कोरोना भाइरसको नयाँ स्वरुप स्पेन, स्वीडेन र स्वीट्जरल्याण्डमा पनि देखिएको हो। यो भाइरस अझ बढी संक्रामक र चाँडो फैलने खालको भएको बताइएको छ।
स्पेनको राजधानी म्याड्रिडमा बेलायतका फर्किएका एक व्यक्तिका तीन आफन्तमा कोरोना भाइरसको नयाँ स्वरुप फेला परेको थियो। म्याड्रिडका उपस्वास्थ्य प्रमुख एन्टोनियो जापातेरोले यो जानकारी दिएका हुन्। यद्यपि सबैको अवस्था सामान्य रहेको बताइएको छ।
यस्तै, स्वीट्जरल्याण्डले पनि आफ्नो मुलुकमा रहेका २ बेलायती नागरिकसहित ३ जनामा उक्त भाइरस फेलापरेको जनाएको छ। उनीहरुमध्ये बेलायती नागरिकहरु क्रिसमसको बिदा मनाउन स्वीट्जरल्याण्ड पुगेका थिए।
यसबाहेक डेनमार्क, जर्मनी, इटाली, नेदरल्याण्ड र अस्ट्रेलियामा पनि कोरोना भाइरसको नयाँ स्वरुप फेला परिसकेको छ। जापानमा पनि बेलायतबाट फर्किएका ५ जनामा यो भाइरस फेला परेको पुष्टि भएको छ।
बेलायतमा पहिलो पटक देखा परेपछि विश्वका कैयौं मुलुकहरुले आफ्ना नागरिकलाई बेलायत यात्रामा प्रतिबन्ध लगाएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
