काठमाडौं- इन्डियन प्रिमियर लिग (आइपिएल) क्रिकेट प्रतियोगितामा १० टिमको सहभागिता हुने भएको छ। भारतीय क्रिकेट कन्ट्रोल बोर्ड बिसिसिआईको बिहीबार बसेको साधारण सभाले आइपिएलमा २०२२ को संस्करणबाट १० टिम बनाउने निर्णय गरेको हो।
अहमदाबादमा भएको साधारण सभाले आइपिएलमा दुई टिम थप्ने निर्णयलाई सहमतिमा पास गरेको हो। बिसिसिआईको साधारण सभाले १० टिम बनाउने निर्णयलाई पास गरे पनि २०२१ को संस्करणमा भने आठ टिमले मात्रै प्रतिस्पर्धा गर्नेछन्।
२०२१ को आइपिएल आउन चार महिनाभन्दा कम समय छ। यो अवधिमा थप दुई वटा टिम तयारी गरी खेलाउन असम्भव जस्तै छ। बिसिसिआईको ८९ औं साधारणसभामा मुख्य एजेन्डा नै दुई टिमलाई यसै संस्करणबाट थप्ने कि २०२२ को संस्करणबाट भन्ने थियो। छोटो समयमा दुई खेललाई समावेश गर्न नसक्ने हुँदा २०२२ बाट मात्रै १० टिम आइपिएलमा सहभागि हुने भएको हो।
कोरोना भाइरसले विश्वभर प्रभाव पार्दा आइपिएललाई निकै ठूलो असर गरेको थियो। विश्वकै सबैभन्दा ठूलो फ्रेन्चाइज लिगको रुपमा स्थापित भएको आइपिएल मार्चबाट सरेर २०२० को नोभेम्बरको १० तारिख मात्रै सकिएको थियो। भारतमा कोरोनाको महामारी तिब्र हुँदा २०२० को आइपिएल युएईमा भएको थियो। बिसिसिआई भने २०२१ को मार्चबाट सुरु हुने आइपिएलको तयारीमा जुटिसकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768457877.png)
-1764146706.png)
-1768395492.png)
