काठमाडौं- नागढुंगा सुरुङ मार्ग निर्माण सुरु भएको छ। मंगलबारबाट सुरुङ खन्न सुरु भएको हो। आयोजनका अनुसार सुरुङ मार्गको लम्बाइ २.६८ किलोमिटर छ।
यसमा ३.५ मिटर चौडाइका दुई लेन हुनेछन्। सुरुङ मार्ग निर्माणका लागि हालसम्म समान ल्याउने तथा पाउन्डेसको काम भइरहेको थियो।
सडक विभागले २०६९ माघदेखि २०७२ सम्ममा विभिन्न चरणको सर्वेक्षणको आधारमा सुरुङ मार्ग निर्माण आयोजना प्रस्ताव गरेको थियो। प्रस्तावित सुरुङमार्ग निर्माण भएपछि नागढुंगा क्षेत्रको सडक सुधारिने अपेक्षा गरिएको छ।
प्रधानमन्त्री केपी शर्मा ओलीले २०७६ मंसिरमा सुरुङ मार्ग आयोजनाको शिलान्यास गरेका थिए। जापानको हाज्मा आन्दो करपोरेसनले निर्माण गर्ने यो सुरुङ ४२ महिनामा निर्माण सम्पन्न गर्ने लक्ष्य लिएको छ।
नागढुंगा सुरुङ मार्गको निर्माणका निम्ति नेपाल सरकार र जापान सरकारबीच चार वर्षअघि नै ऋण सम्झौता भएको थियो। जापान सरकारको सहुलियतपूर्ण ऋण (०.०१ प्रतिशत ब्याज) मा करिब १९ अर्ब रुपैयाँ लिएर सो सुरुङ मार्ग बनाउन लागिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
