काठमाडौं– हङकङले नेपाल एयरलाइन्सको उडानमा चौथो पटक लगाएको प्रतिबन्ध फकुवा भएसँगै पुनः सोमबारबाट नेपाल एयरलाइन्सले हङकङ उडान गर्न लागेको छ।
नेपाल एयरलाइन्सको वाइडबडी ए३३० जहाज सोमबार राती साढे ९ बजे हङकङ उड्ने भएको छ।
तर, हङकङ उडानका लागि पहिले नै टिकट लिएका २० देखि२५ जनालाई भने कोरोना देखिएसँगै उनीहरु जान नपाउने भएका छन्।
त्यसको ठाउँमा नयाँ टिकटसमेत जारी भइसकेको छ। कोराना रिपोर्ट पोजेटिभ आएको भन्दै उनिहरुले टिकट क्यान्सिल गरेको नेपाल एयरलाइन्सले जनाएकाे छ।
पछिल्लो समय हङकङ उडानका जाने यात्रुका लागि नेपाल एयरलाइन्सले ४८ घण्टाभित्रको रिपोर्टमात्रै मान्यता पाउने नियम लगाएको छ। नेपाल एयरलाइन्सको जहाज मार्फत् हङकङ पुगेका यात्रुको बारम्बार कोरोना देखिएको भन्दै हङकङले यसअघि ४ पटकसम्म उडानका प्रतिबन्ध लगाइसेको छ।
पछिल्लो समय ३ डिसेम्बरदेखि १७ डिसेम्बरसम्म उडानमा प्रतिबन्ध लगाइएको थियो। नेपाल एयरलाइन्सको जहाजमार्फत् हङकङ पुगेका यात्रुमा कोराना पोजेटिभ देखिएको भन्दै उडानमा प्रतिबन्ध लगाइएको थियो।
पछिल्लो पटक नेपाल एयरलाइन्सको जहाजमार्फत् हङकङ पुगेका ६ जना यात्रुमा कोरोना देखिएको थियो। ६ जना यात्रुमा कोरोना देखिएसँगै हङकङले फेरि १५ दिनका लागि नेपाल एयरलाइन्सको उडानमा प्रतिबन्ध लगाएको थियो।
हङकङ उडानमा प्रतिबन्ध लागेपछि नेपाल एयरलाइन्सले हङकङ जाने उडानमा नेपालका सरकारी ल्याबको रिपोर्टलाई मात्रै मान्यता दिने निर्णय गरेका थियो।
हङकङले पहिलो पटक अक्टोबर ४ देखि नोभेम्बर १७ सम्म, दोस्रोपटक अक्टोबर २० देखि नोभेम्बर ३ सम्म र तेस्रो पटक नोभेम्बर १२ देखि २५ सम्म उडान प्रतिबन्ध लगाएको थियो।
३ पटकसम्म निजी ल्याबबाट पिसिआर परीक्षण गरेर हङकङ पुगेका यात्रुमा कोरोना देखिएको भन्दै नेपाल एयरलाइन्सले हङकङ उडानमा पछिल्लो पटक सरकारी ल्याबलाई मात्रै मान्यता दिएको थियो। त्यसो गर्दा पनि कोरोना देखिएपछि अहिले ४८ घण्टाभित्रको रिपोर्टलाई मात्रा मान्यता दिइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
