काठमाडौं- प्रशिक्षक तथा पूर्व कप्तान विनोद दास नेपाली क्रिकेटको म्यानेजरमा नियुक्त भएका छन्। नेपाल क्रिकेट संघ (क्यान)ले बिहीबार क्रिकेट म्यानेजरमा विनोद दासलाई नियुक्त गरेको हो।
विनोद दास यसअघि महिला क्रिकेट टिमका तथा यु-१९ राष्ट्रिय क्रिकेट टिमका मुख्य प्रशिक्षक थिए। भदौमा क्यानले क्रिकेट म्यानेजरका लागि ५५ वर्ष ननाघेको नेपाली नागरिक जसले लेभल टु कोर्ष गरेको तथा व्यवस्थापनमा स्नातकोत्तर पास गरेको हुनु पर्ने भनी दरखास्त आह्वान गरेको थियो।
त्यस्तै, क्यानले महाप्रबन्धकमा रौनकबहादुर मल्ललाई नियुक्त गरेको छ। मुख्य वित्त प्रबन्धकमा भने क्यानले रमेशकुमार न्यौपानेलाई नियुक्त गरेको हो।
क्यानले आउँदो पुष १७ गतेबाट लागू हुने गरी क्रिकेट म्यानेजरमा विनोद दास, महाप्रबन्धकमा रौनकबहादुर मल्ल र मुख्य वित्त प्रबन्धकमा रमेश कुमार न्यौपानेलाई नियुक्त गरेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768457877.png)
-1764146706.png)
-1768395492.png)
