स्थिर सरकारले मात्र विकास र समृद्धिको अभियानलाई अगाडि बढाउन सक्छ : मन्त्री नेम्वाङ

पूर्वाधार

नेपाल लाइभ मंगलबार, मंसिर ३०, २०७७ १२:५०

काठमाडौं–हुलाकी राजमार्गअन्तर्गत सिरहाको गोलबजार–लगडी गदियानी सडक खण्ड कालोपत्रे निर्माणको शिलान्यास गरिएको छ।

भौतिक पूर्वाधार तथा यातायातमन्त्री वसन्तकुमार नेम्वाङ र महिला, बालबालिका तथा जेष्ठ नागरिक मन्त्री लिलानाथ श्रेष्ठले कालोपत्र निर्माणको शिलान्यास गरेका हुन्। पूर्वको झापादेखि सुदूरपश्चिम कञ्चनपुरसम्म जोड्ने हुलाकी राजमार्गको यस खण्ड शिलान्यास कार्यक्रमलाई सम्बोधन गर्दै मन्त्री नेम्वाङले स्थिर सरकारले मात्र विकास र समृद्धिलाई अगाडि बढाउन सक्ने बताए।

‘नेपालमा विकास निर्माणको महाअभियान सुरु भइसकेको छ,’ मन्त्री नेम्वाङले भने, ‘यस्तो अभियान पुरा गर्न स्थिर सरकारले मात्र सक्छ, जुनकुरा अहिले हामीले मुलुकमा प्राप्त गरेका छौं।’

उनले सरकारले भौतिक पूर्वाधार निर्माणका नयाँ क्षेत्र र ठूलाठूला विकास निर्माणका आयोजना तथा राष्ट्रिय प्राथमिकताप्राप्त आयोजनाको निर्माण थालनी गरेको बताए।

मन्त्री नेम्वाङले वर्तमान सरकारले प्रदेश २ लाई अत्यन्तै महत्वका साथ हेरेको भन्दै सोहीकारण विकासका ठूला परियोजनाहरु तराई मधेसमा सञ्चालन गरिएको बताए। पूर्वपश्चिम जोड्ने हुलाकी राजमार्गको निर्माण कार्य तीव्र ढंगले भइरहेको र आर्थिक वर्ष २०७८/७९ मा सम्पन्न गर्ने सरकारको योजना रहेको उनले बताए।

वीरगन्ज–पथलैया–जटही जनकपुर ढल्लेबरजस्ता ६ लेनका कालोपत्रे सडक सम्पन्न हुने क्रममा रहेका छन्। पूर्वपश्चिम विद्युतीय रेलमार्गको बर्दिवास–निजजगढ खण्डको निर्माण कार्य सुरु भइसकेको छ। इनरुवा–बर्दिवास खण्डको विस्तृत परियोजना प्रतिवेदन (डिपिआर) सम्पन्न भइ निर्माण पूर्वका प्रारम्भिक कार्यको थालनी भइसकेको छ। जयनगर–जनकपुर–बर्दिवास रेलमार्गको निर्माण कार्य धमाधम भइरहेकाले यसले विकासलाई डो¥याउने मन्त्री नेम्वाङको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

भूकम्पको पूर्वानुमान किन प्रायः मिल्दैन, वैज्ञानिकहरू किन गर्न खोज्दैनन्

जात्रा प्रभावित हुनेगरी सभा र कार्यक्रम नगर्न काठमाडौँ महानगरको अनुरोध

तस्करीका सामान सेटिङमा छुटाउने प्रहरीका सई ३० हजार घुससहित पक्राउ