काठमाडौं- चीनको वुहान शहरबाट गत वर्षको डिसेम्बरबाट शुरु भएको कोरोना भाइरसबाट हालसम्म १४ लाख ८३ हजार ८५९ व्यक्तिको मृत्यु भएको छ। जोन्स होप्किन्स विश्वविद्यालयले नेपाली समयअनुसार साढे ८ बजेसम्म अद्यावधिक गरेको तथ्यांक अनुसार सबैभन्दा बढी अमेरिकामा २ लाख ७० हजार ७२८ जना संक्रमितको मृत्यु भएको हो।
गत डिसेम्बरमा शुरु भएको यस कोरोना भाइरसबाट हालसम्म ६ करोड ४० लाख ३७ हजार ३५३ व्यक्ति संक्रमित भइसकेका छन्। तीमध्ये ४ करोड ११ लाख ८४ हजार ९८७ व्यक्ति कोरोनामुक्त भएका पनि विश्वविद्यालयको तथ्यांक छ।
कोरोना भाइरसको संक्रमणबाट मंगलबार एकै दिनमा विश्वभर १३ हजार १८६ जनाको मृत्यु भएको एएफपीले उल्लेख गरेको छ। एएफपीका अुनसार मंगलबार ६ लाख २५ हजार ३०१ जना नयाँ संक्रमित थपिएका छन्। एएफपीले लिएको पछिल्लो तथ्याङ्ककाअनुसार सबैभन्दा बढी मृत्यु हुने देशहरूमा संयुक्त राज्य अमेरिका, दोस्रोमा मेक्सिको र तेस्रोमा र इटाली रहेका छन्।
अमेरिकामा मङ्गलबार एकै दिनमा २ हजार ५६२ जनाको मृत्यु भएको छ भने मेक्सिकोमा ८२५ र इटाली ७८५ को मृत्यु भएको छ। संयुक्त राज्य अमेरिका सबैभन्दा बढी प्रभावित देश हो। यहाँ कोरोना भाइरसबाट २ लाख ७० हजार ७२८ जनाको मृत्यु भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791562069.png)
-1786602170.png)
