काठमाडौं- एनसेलले प्रिपेड ग्राहकका लागि दुई वटा नयाँ भ्वाइस प्याक ल्याएको छ। यसअन्तर्गत ग्राहकले अझै सुलभ दरमा आफ्ना साथीभाई तथा परिवारसँग सुलभ दरमा भ्वाइस सेवाको फाइदा लिन सक्नेछन्।
यी नयाँ भ्वाइस प्याक यही मंसिर १८ (बिहीबार)देखि ग्राहकका लागि उपलब्ध हुनेछ र प्रिपेड ग्राहकले एक घण्टाको र तीन दिनको समयसीमा भएको भ्वाइस प्याक आफ्नो आवश्यकता अनुसार सुचारु गर्न सक्नेछन्।
एक घण्टाको भ्वाइस प्याक अन्तर्गत प्रिपेड ग्राहकले करसहित १७ मा एक घण्टा समयसीमा रहेको ६० मिनेट अन नेट टक टाइमको फाइदा लिन सक्नेछन् जसमा ग्राहकले २८ पैसा प्रतिमिनेटको दरमा आफ्ना भ्वाइस सेवा लिन सक्नेछन्। एनसेल नेटवर्क भित्र कल गर्न विद्यमान शुल्क प्रतिमिनेट करसहित २.५४ रहेको छ।
ग्राहकले ६० मिनेटको प्याक सुचारु गर्ने बित्तिकै प्याकको समयसिमा सुरु हुनेछ। प्रिपेड ग्राहकले *१७११८*८# डायल गरी एक घण्टाको प्याक सुचारु गर्न सक्नेछन्। त्यस्तै ग्राहकले अंग्रेजीमा वानएचआर अर्थात् अंग्रजी अंक एक र क्यापिटल लेटरमा एचआर लेखी १७११८ मा एसएमएस पठाएर पनि यो प्याक सुरु गर्न सक्नेछन्।
त्यसैगरी ग्राहकले तीन दिनको समयसीमा रहेको २२५ मिनेट टकटाइमको प्याक करसहित मात्र ४८ रुपैयाँमा सुरु गर्न सक्नेछन्। यस प्याकमा ग्राहकले तीन दिनसम्म हरेक दिन ७५ मिनेटको हिसाबले अन नेट टक टाइमको फाइदा लिन सक्नेछन्। यस प्याकअन्तर्गत ग्राहकले एनसेल नेटवर्कभित्र करसहित २१ पैसा प्रतिमिनेटमा भ्वाइस सेवा लिन सक्नेछन्।
ग्राहकले *१७११८*६*२# डायल गरी तीन दिनको समयसीमा रहेको प्याक सुरु गर्न सक्नेछन्। त्यस्तै ग्राहकले अंग्रेजीमा २२५ लेखी १७११८ मा एसएमएस पठाएर पनि यो प्याक सुचारु गर्न सक्नेछन्।
सुलभदरमा गुणस्तरीय सेवा प्रदान गर्ने प्रतिबद्धता अनुरुप ग्राहकका लागि यी भ्वाइस प्याक ल्याइएको कम्पनीले जनाएको छ। यो अफरले अझै सुलभदरमा भ्वाइस सेवामा पहुँच दिँदै ग्राहकलाई आफ्नो परिवार तथा साथीभाईहरुसँग सम्पर्कमा रहिरहन मद्दत गर्ने विश्वास एनसेलले लिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1784873618.png)
