दक्षिण अफ्रिकाविरुद्धको सिरिज इंग्ल्यान्डलाई

क्रिकेट

नेपाल लाइभ सोमबार, मंसिर १५, २०७७ ०९:२७

काठमाडौं-घरेलु टिम दक्षिण अफ्रिकाविरुद्धको टि–२० क्रिकेट सिरिज इंग्ल्यान्डले जितेको छ। तीन खेलको टि–२० सिरिज इंग्ल्यान्डले एक खेलअघि नै जितेको हो।

दोस्रो खेलमा दक्षिण अफ्रिकालाई इंग्ल्यान्डले चार विकेटले पराजित गरेसँगै सिरिज आफ्नो पोल्टामा पारेको हो। यसअघि पहिलो खेलमा भने इंग्ल्यान्डले दक्षिण अफ्रिकालाई पाँच विकेटले हराएको थियो। दोस्रो खेलमा १४७ रनको चुनौती पछ्याउँदै ब्याटिङ गरेको इंग्ल्यान्डले निर्धारित ओभर सकिन एक बल बाँकी छँदा ६ विकेटको क्षतिमा लक्ष्य भेटायो।

इंग्ल्यान्डको जितमा डेविड मलानले ५५ रन बनाए। त्यस्तै, कप्तान इयोन मोर्गनले अविजित २६, जस बटलरले २२, बेन स्टोक्सले १६ र जासन रोयले १४ रन बनाए। बलिङतर्फ दक्षिण अफ्रिकाका तबराज साम्सीले तीन विकेट लिए।

यसअघि टस हारेर पहिले ब्याटिङ गरेको दक्षिण अफ्रिकाले निर्धारित २० ओभरमा ६ विकेटको क्षतिमा १४६ रन बनाएको थियो। दक्षिण अफ्रिकाका लागि क्विन्टन डि ककले ३०, जर्ज लिन्डले २९ र रासी भान डेर डुसेनले अविजित २५ रन बनाए। बलिङतर्फ इंग्ल्यान्डका आदिल राशिदले दुई विकेट लिए। तेस्रो खेल इंग्ल्यान्डले दक्षिण अफ्रिकासँग मंगलबार राति खेल्ने छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

धनकुटामा बस दुर्घटना हुँदा एकको मुत्यु, १४ जना घाइते

प्रचण्ड प्रधानमन्त्री हुँदा निदाउन नपाएका भ्रष्टाचारी र तस्कर अहिले खुसीसाथ निदाउछन् : सांसद शाही

भारत र पाकिस्तानबीच बढ्दो तनावमा मध्यस्थता गर्न इरानका शीर्ष कूटनीतिज्ञ पाकिस्तानमा