काठमाडौं- नेपाल-भारत परराष्ट्र सचिवस्तरीय वार्तामा सीमाका विषयमा छलफल भएको परराष्ट्र मन्त्रालयले जानकारी दिएको छ। बिहीबार सचिवस्तरीय वार्ताबारे प्रेस विज्ञप्ति जारी गर्दै परराष्ट्र मन्त्रालयले यस्तो जानकारी दिएको हो।
'सीमाका विषयमा छलफल भयो। सीमाबारे बाँकी काम पूरा गर्ने विषयमा आआफ्ना पक्षका धारणा आदानप्रदान पनि भएको छ,' परराष्ट्रले जारी गरेको विज्ञप्तिमा भनिएको छ।
बिहीबार भएको वार्तमा नेपाल भारतका विधिध सम्बन्धबारे छलफल भएको बताइएको छ। व्यापार, कनेक्टिभिटी, पूर्वधार, ऊर्जा, कृषि, लगानी, दुई देशको संस्कृति र जनताजनताबीचको सम्बन्ध लगायतका विषमया पनि समीक्षा भएको बताइएको छ। दुई देशबीचको सम्बन्ध थप बलियो बनाउनेबारे पनि छलफल भएको मन्त्रालयले जनाएको छ।
कोरोना भाइरसको संक्रमण न्यूनीकरण गर्न दुई देशका अनुभव आदानप्रदानसमेत भएको बताइएको छ। यसका साथै भ्याक्सिन विकासमा भारतका कामबारे पनि छलफल भएको थियो।
बिहीबारै काठमाडौं उत्रिएका भारतीय विदेशसचिव शृंगलाले परराष्ट्रमन्त्री प्रदीपकुमार ज्ञवाली, प्रधानमन्त्री केपी शर्मा ओली र राष्ट्रपति विद्यादेवी भण्डारी र नेपाली कांग्रेसका सभापति शेरबहादुर देउवासँग भेट गरेका थिए।
शुक्रबार बिहान शृंगला स्वदेश प्रस्थान गर्ने कार्यतालिका छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775612045.png)
-1764146706.png)
-1775575666.png)
