काठमाडौं- पाकिस्तान राष्ट्रिय क्रिकेट टिमका ६ जना खेलाडीमा कोरोना भाइरस (कोभिड १९) संक्रमण देखिएको छ। तीन टी ट्वान्टी र दुई खेलको टेस्ट सिरिजका लागि न्युजिल्यान्डमा रहेका खेलाडीमा कोरोना संक्रमण देखिएको हो। जसका कारण अभ्यास रोकिएको छ।
टी ट्वान्टी र टेस्ट सिरिजका लागि न्युजिल्यान्ड गएको ५३ जनाको टोलीको कोरोना परीक्षण हुँदा ६ जनामा संक्रमण देखिएको हो। संक्रमण देखिएका सबै खेलाडी सेल्फ आइसोलेसनमा छन्। पाकिस्तानबाट न्युजिल्यान्ड जानुअघि सबै खेलाडीको कोरोना परीक्षण फरक समयमा चार पटकसम्म नेगेटिभ देखिएको थियो।
न्युजिल्यान्ड पुगेका पाकिस्तानी टिमका केही खेलाडीले स्वास्थ्य सुरक्षाका लागि अपनाइएको मापदण्ड तोडेको भन्दै न्युजिल्यान्डले यसअघि नै सचेत गराएको थियो। उनीहरुको स्वास्थ्य मापदण्ड विपरीत गतिविधि सिसिटिभीमा देखेर टिमलाई सचेत गराइएको न्युजिल्यान्ड क्रिकेटलाई उद्धृत गर्दै बिबिसीले लेखेको छ।
कोरोना माहामारीविरुद्ध सचेतापूर्वक काम गरिरहेको न्युजिल्यान्डमा १८ नोभेम्बर पछि कोरोना सम्बन्धित कुनै नयाँ संक्रमण देखिएको थिएन। सुरुदेखि अहिलेसम्म न्युजिल्यान्डमा २ हजार ४० कोरोना संक्रमित भेटिएर २५ जनाको मृत्यु भएको थियो। जहाँ पाकिस्तानमा भने अहिलेसम्म ३ लाख ५६ हजार १ सय ९८ संक्रमित देखिएकोमा ७ हजार ८ सय ४३ जनाको मृत्यु भएको तथ्यांक छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770630850.jpg)
-1764146706.png)
-1770562345.jpg)
