काठमाडौं–सिभिल बैंकले एक दशक पुरा गरेको छ। नेपाल राष्ट्र बैंकबाट ‘क’ वर्गको अनुमतिप्राप्त गरी २०६७ मंसिर १० गतेदेखि कारोबार सञ्चालन गर्दै आईरहेको बैंकले बुधबार दशौं वार्षिकोत्सव मनाएको छ। बैंकले आफ्नो संस्थागत सामाजिक उत्तरदायित्वका लागि नयाँ नारा ‘म एक जिम्मेवार सिभिलियन’ तय गरेको छ।
यसै अवसरमा बैंकले कोरोना संक्रमणको उपचारार्थ आवश्यक पर्ने प्लाज्मा दान गर्न आफ्ना कर्मचारीहरुबाट प्रतिबद्दता जनाएको छ। बैंकले ‘हाम्रो टिम नेपाल’ सँग सहकार्य गरी कोरोना महामारीका कारण रोजगारी गुमाएकाहरुका लागि टुँडिखेलमा निःशुल्क १० छाक भोजन प्रवन्ध मिलाएको छ।
बैंकले मातातिर्थस्थित मातातिर्थ वृद्धाश्रममा आश्रित वृद्धवृद्धाका लागि ३ महिनालाई पुग्ने चामल हस्तान्तरण गरेको छ। वृद्धाश्रमका अध्यक्ष हरि खड्कालाई उक्त चामल हस्तान्तरण गरिएको हो।
दशौं वार्षिकोत्सवको उपलक्ष्यमा आयोजित वेविनार कार्यक्रममा बैंकका प्रमुख कार्यकारी अधिकृत गोविन्द गुरुङले बैंकले १० वर्षमा हासिल गरेका उपलब्धीहरु प्रस्तुत गरेका थिए। बैंक संचालक समितिका अध्यक्ष ईच्छाराज तामाङले उपलब्धी हासिल गर्न सहयोग गर्ने सबैप्रति कृतज्ञता ज्ञापन गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789031457.png)
-1789030205.png)
-1786602170.png)
